சமூக ஊடகங்களில் தற்போது வைரலாகி வரும் ஒரு வீடியோவில், ஒரு காதல் ஜோடி கிரேனில் தொங்கிக் கொண்டு திருமணத்திற்கு முந்தைய படப்பிடிப்பு நடத்திய காட்சி வைரலாகிறது. இந்த வினோதமான புகைப்படக் காட்சி நெட்டிசன்களின் கவனத்தை ஈர்த்ததோடு, பல்வேறு நகைச்சுவையான கருத்துக்களையும் கிளப்பியுள்ளது. திருமணத்திற்கு முந்தைய புகைப்படங்கள் இப்போது ஒரு பிரபலமான டிரெண்டாக மாறிவிட்டன. தம்பதிகள் தங்கள் காதலை வெளிப்படுத்த புதுமையான முறைகளைத் தேர்வு செய்கின்றனர் — சிலர் நீருக்கடியில் புகைப்படம் எடுக்கிறார்கள், சிலர் மலைச்சிகரங்களில் போஸ் கொடுக்கிறார்கள்.
ஆனால் சமீபத்தில் வெளியான இந்த வீடியோ அதைவிட வித்தியாசமானது. இதில், மணமகனும் மணமகளும் பாரம்பரிய திருமண உடையில் கிரேனில் தொங்கவிடப்பட்டு காற்றில் மிதந்து கேமராவுக்கு போஸ் கொடுக்கிறார்கள். அவர்களுடன் நிறைய வண்ணமயமான பலூன்களும் இணைக்கப்பட்டுள்ளன. முதல் பார்வையில் பலூன்கள் அவர்களைத் தூக்கிச் செல்கின்றன போல தோன்றினாலும், உண்மையில் அவர்கள் பெரிய கிரேன் ஒன்றில் கயிறுகள் மூலம் தொங்கவிடப்பட்டுள்ளனர். காற்றில் ஆடிக்கொண்டே சிரித்துக்கொண்டு போஸ் கொடுக்கும் அந்தக் காட்சி காதலோடும் திகிலோடும் நிறைந்ததாக இருந்தது.
View this post on Instagram
வீடியோவில், கடைசியில் கேமரா கீழே நகர, அந்த ஜோடியை தூக்கி நிறுத்தியிருக்கும் மிகப்பெரிய கிரேன் காட்சி தெரிகிறது. திரையில் “இந்த ஆண்டின் மிகவும் தனித்துவமான திருமணத்திற்கு முன் புகைப்படம்” என்ற வாசகம் தோன்றுகிறது. இந்த வீடியோ, @gagan_buttar_46 என்ற இன்ஸ்டாகிராம் பயனரால் செப்டம்பர் 20 அன்று பகிரப்பட்டது. மேலும் அதிலிருந்து இன்றுவரை இது 9 லட்சத்திற்கும் மேற்பட்ட பார்வைகளை பெற்றுள்ளது.
