இன்ஸ்டாகிராமில் வைரலாகிய ஒரு காணொளி ஆண்களின் நிலை குறித்து ஆழமாகப் பேசுகிறது. பெண்கள் பொதுவாக ஆண்கள் பணம் சம்பாதிப்பது எளிது என்று நினைப்பதாகவும், “10 மணி நேரம் வேலை செய்துவிட்டு வருவது கடினமா?” என்று கேட்கும்போது அது ஆண்களுக்கு மன வலியை ஏற்படுத்துவதாகவும் காணொளியில் பேசியவர் கூறுகிறார். திருமணத்திற்கு மணமகன் தேடும்போது, பெண்கள் பெரும்பாலும் நல்ல வேலை, நல்ல சம்பாத்தியம், நல்ல நிலைமை உள்ளவரைத்தான் எதிர்பார்க்கின்றனர். இது ஆண்கள் மீது சமூகம் விதிக்கும் அழுத்தத்தை வெளிப்படுத்துகிறது.
காணொளியில் பேசியவர் மேலும் கூறுகையில், பெண்கள் இப்போது வேலைக்குச் செல்வதை சமூகம் பெருமையாகப் பார்க்கிறது, ஆனால் ஆண்கள் வேலை செய்வது கடமையாகவே கருதப்படுகிறது. பெண்கள் வேலைக்குச் செல்வது தங்கள் விருப்பமாக இருக்கலாம், ஆனால் ஆண்களுக்கு அது தவிர்க்க முடியாத பொறுப்பாக உள்ளது. இந்தக் காணொளி சமூக வலைதளங்களில் பரவலாகப் பகிரப்பட்டு, நெட்டிசன்கள் பலரும் “இது 100% உண்மை” என்று ஆமோதித்து தங்கள் கருத்துகளைப் பதிவு செய்து வருகின்றனர், இது ஆண்கள் எதிர்கொள்ளும் சமூக அழுத்தங்களைப் பற்றிய விவாதத்தைத் தூண்டியுள்ளது.
