2026 சட்டமன்றத் தேர்தலை முன்னிட்டு, பாமகவின் கூட்டணி யாருடன் என்ற கேள்விக்கு பதிலளித்த பாமக நிறுவனர் ராமதாஸ், “எந்தக் கட்சியுடன் கூட்டணி அமைக்க வேண்டும் என்பதைப் பற்றி பாமக பொதுக்குழு முடிவெடுக்கும்.

அதன்பின், அந்த அதிகாரம் எனக்கு வழங்கப்பட்டபின், யாருடன் கூட்டணி வைக்க வேண்டும் என்பதை நான் ஆழமாக பரிசீலித்து, முறையான நேரத்தில் அறிவிப்பேன்” என தெரிவித்துள்ளார்.

“இந்தத் தேர்தலில் பாமக மிகப்பெரிய வெற்றியை பெறும். புதிய கட்சிகள் தோன்றியுள்ள நிலையில், யாருடன் கூட்டணி அமைக்கலாம் என்பதை தற்போதைய அரசியல் சூழ்நிலையை வைத்து நாங்கள் விரிவாக ஆலோசிக்கிறோம். ஆனால், இதற்கான அதிகாரத்தை பொதுக்குழு எனக்குத் தர வேண்டும்.

அந்த அதிகாரம் வந்தபின் தான் எதையும் சொல்ல முடியும்,” என்றார் அவர். இதன் மூலம், பாமக எதிர்கால கூட்டணி குறித்து தற்போது எதையும் உறுதியாகக் கூறவில்லை என்றாலும், முக்கியமான தருணத்தில் அதனைப் பகிரவுள்ளதாக ராமதாஸ் உணர்த்தியுள்ளார்.