தமிழ் சினிமாவில் முன்னணி நடிகராக இருக்கும் விஜய் தமிழக வெற்றி கழகம் என்ற அரசியல் கட்சியை தொடங்கிய நிலையில் அடுத்து வரும்  2026 ஆம் ஆண்டு சட்டசபை தேர்தலில் போட்டியிடுகிறார். தமிழக வெற்றிக்கழகத்தின் தலைமையில் கூட்டணி என்றும் கூட்டணிக்கு வரும் கட்சிகளுக்கு ஆட்சி அதிகாரத்தில் பங்கு உண்டு என்றும் விஜய் அறிவித்துள்ளதோடு முதல்வர் வேட்பாளர் விஜய் தான் என்றும் தெரிவிக்கப்பட்டுள்ளது.

தமிழக வெற்றி கழகத்தின் செயற்குழு கூட்டம் சமீபத்தில் நடைபெற்ற போது பாஜக, திமுக ஆகிய கட்சிகளுடன் கூட்டணி கிடையாது என நடிகர் விஜய் திட்டவட்டமாக தெரிவித்த நிலையில் தமிழக வெற்றி கழகத்தின் தலைமையில் அடுத்து வரும் 2026 ஆம் ஆண்டு தேர்தலை சந்திப்போம் என்றும் தெரிவிக்கப்பட்டுள்ளது. அதோடு நடிகர் விஜய் விரைவில் தமிழ்நாடு முழுவதும் சுற்றுப்பயணம் மேற்கொள்ள இருக்கிறார் என்றும் தெரிவிக்கப்பட்டுள்ளது.

இந்நிலையில் நடிகர் விஜய்  பற்றிய போஸ்டர் ஒன்று தற்போது சமூக வலைதளத்தில் வைரல் ஆகிறது. அதாவது இயக்குனர் கோபி இயக்கத்தில் யாதும் அறியான் என்ற திரைப்படம் உருவாகியுள்ள நிலையில் இந்த படத்தின் டிரைலர் நேற்று வெளியானது.

இந்த திரைப்படம் 2026 ஆம் ஆண்டில் நடைபெறுவது போன்ற ஒரு காட்சியை காட்டுவதற்காக முதல்வர் விஜய் அதிரடி அறிவிப்பு என்ற போஸ்டரை படத்தில் வைத்துள்ளனர். அந்த போஸ்டரில் தமிழ்நாட்டில் இலவசங்கள் கிடையாது. பெண்கள், இளைஞர்கள் மற்றும் விவசாயிகளுக்கு புதிய திட்டங்கள் என ஒரு செய்தி தாள் வடிவில் இடம்பெற்றுள்ளது.

இந்த போஸ்டர் தற்போது சமூக வலைதளங்களில் கவனத்தை ஈர்த்து மிகவும் வைரலாகி வருகிறது. மேலும் கிரைம் கில்லர் திரைப்படமாக உருவாகியுள்ள இந்த படத்தில் தினேஷ் ஹீரோவாக அறிமுகமாக நிலையில் அப்புகுட்டி மற்றும் தம்பி ராமையா உள்ளிட்டோர் முக்கிய வேடங்களில் நடித்துள்ளனர் என்பது குறிப்பிடத்தக்கதாகும்.