ஜம்மு & காஷ்மீர் மாநிலம், பஹல்காம் பகுதியில், சுற்றுலா வந்த மகாராஷ்டிராவைச் சேர்ந்த 70 வயது மூதாட்டி ஒருவர் மீது நடக்கவே முடியாத அளவிற்கு நடந்த பாலியல் வன்கொடுமை செய்யப்பட்ட சம்பவம், நாடு முழுவதும் அதிர்வலைகளை ஏற்படுத்தியுள்ளது. ஏப்ரல் 11ம் தேதி, இவர் காஷ்மீரின் இயற்கை அழகை அனுபவிக்க வந்த போது, தங்கியிருந்த ஹோட்டல் அறையிலேயே தாக்கப்பட்டுள்ளார்.

பாதிக்கப்பட்ட மூதாட்டிக்கு பலத்த உடல் காயங்கள் ஏற்பட்டதாகவும், பல நாட்கள் வரை நகர முடியாத நிலையில் மருத்துவமனையில் அனுமதிக்கப்பட்டுள்ளதாகவும் செய்தி வெளியாகியுள்ளது.

Zubair Ahmed என்ற பெயருடைய பஹல்காமைச் சேர்ந்த உள்ளூர் இளைஞரே இந்த கொடூரத்தில் ஈடுபட்டதாகக் கூறப்படுகிறது. அவர் மூதாட்டியின் ஹோட்டல் அறைக்குள் நுழைந்து, படுக்கை துணியால் அவரது வாயை கட்டி, பின்னர் பாலியல் வன்கொடுமை செய்துள்ளார். அதன்பிறகு  அறை ஜன்னலின் வழியாக தப்பி ஓடியுள்ளார்.

இதுகுறித்து போலீசார் வழக்கு பதிவு செய்து, *பாரதீய ந்யாய சனிதா சட்ட பிரிவு 64 மற்றும் 331(4)*ன் கீழ் கைது செய்துள்ளனர். குற்றவாளி தற்போது நீதிமன்ற காவலில் உள்ளார். இந்த சம்பவம் பஹல்காம் பகுதியின் பாதுகாப்பு மீது கேள்விக்குறியை எழுப்பியுள்ளது.

ஜூன் 27ஆம் தேதி, அனந்த்நாக் மாவட்டத்தின் முக்கிய அமர்வு நீதிபதி, Zubair Ahmed என்பவருக்கு ஜாமீன் வழங்க மறுத்து, இந்த வழக்கு மிகவும் கடுமையானது என்றும், தற்போதைய ஆதாரங்கள் மற்றும் விசாரணை நிலையைக் கருத்தில் கொண்டு ஜாமீன் வழங்க முடியாது எனத் தெரிவித்தார்.

“இந்த நிலம் சொர்க்கமாக அழைக்கப்படுகிற இடம். ஆனால் இப்படி ஒரு வயதான பெண்மணி இங்கு வந்தபோது இந்த அளவுக்கு கொடுமை அனுபவிக்க நேர்ந்தால், அது அவருடைய வாழ்நாளுக்கே பாரமாகி விடும்” எனக் கடும் வருத்தத்துடன் நீதிபதி தெரிவித்தார்.

மேலும் “இவ்வாறு நடந்த கொடுமை, ஒரு மூத்த பெண்மணியின் மனதை மட்டுமல்ல, இந்த நிலத்தின் ஒழுக்க மதிப்பையும் அழிக்கிறது. பச்சை நிலங்கள், பர்வதங்கள், ஆறுகள் – இவையெல்லாம் இந்த கொடுமையின் விளைவாக ஏற்பட்ட பயம் மற்றும் வேதனையை மறைக்க முடியாது. இது அவரது மனதில் என்றென்றும் நீங்காத காயமாகவே இருந்து விடும். என்றும் நீதிபதி கூறினார்.