விஜயகாந்தின் இளைய மகனான சண்முக பாண்டியன் திரைப்படங்களில் நடிகராக நடித்து வருகிறார். இவர் முதலில் சகாப்தம் என்ற திரைப்படத்தில் நடித்திருந்தார். அதன் பின் மதுரை வீரன் என்ற படத்தில் நடித்திருக்கிறார். இதையடுத்து விஜயகாந்த் உடன் தமிழன் என்று சொல் படத்தில் நடித்து வந்தார்.

ஆனால் அப்படம் விஜயகாந்த் மறைவு காரணமாக கிடப்பில் போடப்பட்டது. இந்நிலையில் தற்போது படைத்தலைவன் என்ற திரைப்படத்தின் நடித்த வருகிறார். இப்படத்தை இயக்குனர் அன்பு இயக்கியுள்ளார்.  இப்படத்தில் இசையமைப்பாளர் இளையராஜா இசை அமைத்துள்ளார்.

இந்நிலையில் இப்படத்தின் இசை வெளியீட்டு விழாவில் தேமுதிக இளைஞர் அணி செயலாளர் விஜய பிரபாகரன் கலந்து கொண்டார். அப்போது பேசிய அவர் கூறியதாவது, தேமுதிக 2.0 தொடங்குகிறது. கேப்டன் விட்டுச் சென்ற பணிகளை நாங்கள் செய்வோம். அது சினிமாவாக இருந்தாலும் சரி அரசியலாக இருந்தாலும் சரி. விஜயகாந்தை போல சண்முக பாண்டியனும் உங்கள் சொத்துதான் என்று தெரிவித்தார்.