உத்திரபிரதேசம் மாநிலம் ராம்பூரில் பதவிக்காக 45 வயது காங்கிரஸ் பிரமுகர் திருமணத்திற்கு தயாராகியுள்ளார். காங்கிரஸ் கட்சியை சேர்ந்தவரான மமூன் ஷா கான் என்பவருக்கு தற்போது 45 வயது ஆகும் நிலையில் இன்னும் திருமணம் ஆகவில்லை. இந்நிலையில் இவர் ராம்பூர் நகராட்சி தலைவர் பதவி தனக்கு கிடைக்க வேண்டும் என எதிர்பார்த்து இருந்தார். ஆனால் நகராட்சி தலைவர் பதவியை பெண்களுக்காக அரசு ஒதுக்கியுள்ளது.

இதனால் அவர் உடனடியாக திருமணம் செய்து கொள்ள முடிவு செய்து தனது மனைவியை தலைவர் பதவிக்கான போட்டியில் நிறுத்த முடிவு செய்துள்ளார். இதனைத் தொடர்ந்து இவரின் திருமணம் என்று நடைபெறுகிறது. இந்த திருமணத்திற்கு இரண்டு நாட்களில் மணமகள் கண்டுபிடிக்கப்பட்டது குறிப்பிடத்தக்கது. அதே சமயம் இவருக்கு பலரும் தங்கள் வாழ்த்துக்களையும் தெரிவித்து வருகிறார்கள்.