தமிழக சட்டமன்றத் தேர்தல் நெருங்கும் வேளையில், சசிகலா அவர்களின் அதிரடி அறிவிப்பு அரசியல் களத்தில் பெரும் புயலைக் கிளப்பியுள்ளது. டிடிவி தினகரன் அதிமுக கூட்டணியில் இணைந்த நிலையில், சசிகலா மீண்டும் அதிமுக-வை ஒருங்கிணைப்பார் என எதிர்பார்க்கப்பட்டது. ஆனால், அதற்கு மாறாக மறைந்த முதல்வர் ஜெயலலிதாவின் பிறந்தநாளான இன்று (பிப்.24), பசும்பொன்னில் வைத்து புதிய கட்சியைத் தொடங்குவதாக சசிகலா அதிரடியாக அறிவித்துள்ளார்.

​அறிஞர் அண்ணா, எம்.ஜி.ஆர் மற்றும் ஜெயலலிதா ஆகியோரின் திருவுருவப் படங்கள் பொறிக்கப்பட்ட கருப்பு, வெள்ளை, சிவப்பு நிறக் கொடியை அவர் அறிமுகப்படுத்தினார். “கடந்த 9 ஆண்டுகளாக அமைதியாக இருந்தது போதும், இனி என்னால் அப்படி இருக்க முடியாது” என்று முழங்கியுள்ள அவர், கட்சியின் பெயரை விரைவில் அறிவிக்கப்போவதாகத் தெரிவித்துள்ளார். ஏப்ரல் மாதம் தேர்தல் நடைபெறவுள்ள நிலையில், சசிகலாவின் இந்த முடிவு அதிமுக – பாஜக கூட்டணிக்குச் சவாலாக அமையுமா என்ற எதிர்பார்ப்பு அதிகரித்துள்ளது.