பிரேசில் நாட்டின் சாவோ பாலோ நகரைச் சேர்ந்த மருத்துவ தம்பதியினரான ரெனாடோ மற்றும் நையாரா, வெறும் 30 வினாடிகளில் ஒருவருக்கொருவர் 195 முறை முத்தமிட்டு உலகையே வியப்பில் ஆழ்த்தும் புதிய கின்னஸ் சாதனையைப் படைத்துள்ளனர். தங்களை “உலகின் மிகச்சிறந்த தம்பதி” என்று உலகிற்குப் பிரகடனப்படுத்த நினைத்த இவர்களின் இந்த அசாத்திய முயற்சி, தற்போது அதிகாரப்பூர்வமாக கின்னஸ் புத்தகத்தில் இடம்பிடித்துள்ளது. அரை நிமிடத்தில் மின்னல் வேகத்தில் இவர்கள் முத்தமிட்டுக் கொள்ளும் சாதனை வீடியோ தற்போது இணையதளங்களில் உலக அளவில் காட்டுத்தீயாய் பரவி, நெட்டிசன்களை ஆச்சரியத்தில் மூழ்கடித்து வருகிறது.
View this post on Instagram
இந்த வரலாற்றுச் சாதனைக்கு பின்னால் ஒரு நெகிழ்ச்சியான மற்றும் ஊக்கமளிக்கும் பின்னணியும் மறைந்துள்ளது. சாதனையாளரான ரெனாடோ, ‘ஏடிஎச்டி’ (ADHD) எனப்படும் கவனக்குறைவு மற்றும் மிகையான செயல்பாட்டுக் குறைபாட்டினால் பாதிக்கப்பட்டவர் ஆவார். இந்த மனநலக் சவாலை எதிர்கொண்ட போதிலும், முறையான பயிற்சியும், தீவிரமான மன உறுதியும் இருந்தால் வாழ்க்கையில் எதையும் சாதிக்க முடியும் என்பதை உலகிற்கு நிரூபித்துக் காட்டுவதற்காகவே இந்த முயற்சியைக் கையில் எடுத்ததாக இந்த தம்பதியினர் நெகிழ்ச்சியோடு தெரிவித்துள்ளனர். இவர்களின் இந்த வெற்றி, உடல் மற்றும் மனக் குறைபாடுகள் சாதனைக்கு ஒருபோதும் தடையல்ல என்பதை உணர்த்தும் உலகளாவிய உத்வேகமாக மாறியுள்ளது.
