சமூக வலைதளங்களில் வைரலாகி வரும் ஒரு வேடிக்கையான வீடியோவில், கணவன் மற்றும் மனைவிக்கு இடையே பெட்ரோல் பங்க் ஒன்றில் நடந்த நகைச்சுவையான உரையாடல் பலரையும் சிரிக்க வைத்துள்ளது. அந்த வீடியோவில், தம்பதியினர் தங்கள் காரில் பெட்ரோல் போடுவதற்காகக் காத்திருக்கும்போது, அங்குள்ள ஒரு பதாகையில் “ஹெல்மெட் இல்லை என்றால் பெட்ரோல் இல்லை” என்று எழுதப்பட்டிருப்பதை மனைவி கவனிக்கிறார்.
மேலும் உடனே அவர் மிகத் தீவிரமாக, தன்னிடம் ஹெல்மெட் இல்லாததால் பெட்ரோல் போட மாட்டார்கள் என்று பயந்து, கணவரிடம் இது குறித்து விவாதிக்கத் தொடங்குகிறார். தாங்கள் காரில் வந்திருக்கிறோம் என்பதை மறந்துவிட்டு, அவர் காட்டிய அதீத அக்கறை அங்கிருந்தவர்களையும் பார்ப்பவர்களையும் வெகுவாக கவர்ந்துள்ளது. இந்த சுவாரசியமான விவாதத்தில், கணவர் எவ்வளவு விளக்கியும் மனைவி தனது வாதத்தை விடுவதாக இல்லை.
View this post on Instagram
“>
இந்நிலையில் பதாகையில் “இருசக்கர வாகனங்களுக்கு மட்டும்” என்று குறிப்பிடப்படவில்லை என்பதால், கார் ஓட்டுபவர்களுக்கும் ஹெல்மெட் கட்டாயம் என்று அவர் பிடிவாதம் பிடிக்கிறார். ஒருகட்டத்தில் விரக்தியடைந்த கணவர், பெட்ரோல் பங்க் ஊழியரிடமே இது குறித்து கேட்க, அந்த ஊழியரும் இந்த விசித்திரமான கேள்வியைக் கேட்டு திகைத்துப்போகிறார்.
இதனையடுத்து இறுதியில், தனது மனைவி கார்வா சௌத் விரதத்தில் இருப்பதால் பசியின் காரணமாக இப்படிப் பேசுகிறார் என்று கணவர் கிண்டலாகக் கூறுவதுடன் அந்த வீடியோ முடிவடைகிறது. இந்தத் தம்பதியினரின் அழகான மற்றும் வேடிக்கையான சண்டை தற்போது இணையத்தில் வைரலாகி வருகிறது.
