ஈரோடு மாவட்டத்தில், பெண் ஆசிரியரின் வீட்டை ஆக்கிரமிக்க முயன்றதோடு, கந்து வட்டி பெறும் செயல்களில் ஈடுபட்டதாக குற்றச்சாட்டு காரணமாக பள்ளி தலைமை ஆசிரியர் முத்து ராமசாமி, தற்போது சஸ்பெண்ட் செய்யப்பட்டுள்ளார்.

பெண் ஆசிரியர் ஒருவர், தனது வீட்டை ஆக்கிரமிக்க முயற்சித்து, அதிக வட்டி வசூலித்ததாக முத்து ராமசாமி மீது புகார் அளித்ததையடுத்து, போலீசார் நடவடிக்கை எடுத்தனர்.

புகாரின் அடிப்படையில், முத்து ராமசாமி மீது ஒரே நேரத்தில் 8 பிரிவுகளின் கீழ் வழக்குகள் பதிவு செய்யப்பட்டுள்ளன. இது மாநில கல்வித்துறை மற்றும் மாவட்ட நிர்வாகத்தில் பெரும் அதிர்வலைகளை ஏற்படுத்தியுள்ளது.

இந்நிலையில், அரசு ஊழியர் ஒழுங்கு நடத்தை விதிகளை மீறியதாக கருதி, முத்து ராமசாமியை பணியிடை நீக்கம் செய்து, மாவட்ட கல்வி அலுவலர் உத்தரவு பிறப்பித்துள்ளார். தற்போது இந்த சம்பவம் ஈரோடு மாவட்டத்தில் கல்வித்துறையில் பரபரப்பான விவாதமாக மாறியுள்ளது.