ஒருவர் வீட்டிலேயே உயிரிழந்தால், இதயம், நுரையீரல், கல்லீரல், சிறுநீரகம் போன்ற முக்கிய உறுப்புகளை வழக்கமான உறுப்பு மாற்று முறைக்காக வீட்டிலேயே அகற்ற முடியாது. இந்தியாவின் தேசிய உறுப்பு மற்றும் திசு மாற்று அமைப்பின் தகவலின்படி, மூளைத்தண்டு இறப்பு போன்ற குறிப்பிட்ட மருத்துவ சூழ்நிலைகளில் மருத்துவமனையில் உயிர் ஆதரவு வசதிகளுடன் முக்கிய உறுப்புகளைப் பெற முடியும்.

ஆனால் வீட்டில் மரணம் ஏற்பட்ட பிறகு கண்கள் மற்றும் சில திசுக்களை தானமாக வழங்குவதற்கான வாய்ப்பு உள்ளது. குறிப்பாக கண்களில் இருந்து கருவிழி தானம் செய்யப்படுகிறது. இதனால் பார்வை இழந்த சிலருக்கு பார்வையை மீட்டெடுக்க உதவ முடியும்.

முக்கிய உறுப்புகளை தானமாகப் பெறுவதற்கு மருத்துவக் குழுவின் மதிப்பீடு, இறப்பு ஏற்பட்ட விதம் மற்றும் தானத்திற்கான மருத்துவத் தகுதி போன்றவை முக்கியமானவை. மூளைத்தண்டு இறப்பு ஏற்பட்டால் இதயம், நுரையீரல், கல்லீரல், இரண்டு சிறுநீரகங்கள், கணையம் மற்றும் சிறுகுடல் உள்ளிட்ட முக்கிய உறுப்புகளை தானமாக வழங்க முடியும் என்று இந்திய அரசின் தகவல்கள் தெரிவிக்கின்றன.

உறுப்பு தானம் செய்ய விருப்பம் இருப்பவர்கள் தங்களுடைய விருப்பத்தை குடும்பத்தினரிடம் முன்கூட்டியே தெரிவிப்பது மிகவும் முக்கியம். இந்தியாவில், ஒருவர் தானம் செய்ய விருப்பம் தெரிவித்திருந்தாலும், மரணத்திற்குப் பிறகு சட்டப்படி உரிய குடும்பத்தினர் அல்லது உடலைக் கையாளும் அதிகாரம் பெற்ற நபரின் ஒப்புதல் நடைமுறையில் அவசியமாகிறது.