நடிகர் விஜய், தயாரிப்பாளர் ஏஜிஎஸ் குடும்பத் திருமண விழாவில் நடிகை திரிஷாவுடன் கலந்துகொண்டது இணையத்தில் பெரும் விவாதத்தை கிளப்பியுள்ளது. விஜய்க்கும் திரிஷாவுக்கும் இடையிலான நட்பு குறித்து ஏற்கனவே சமூக வலைதளங்களில் கிசுகிசுக்கள் உலவி வரும் நிலையில், இருவரும் ஒன்றாகத் திருமண விழாவிற்குச் சென்றது அந்த வதந்திகளுக்கு மேலும் வலுசேர்த்துள்ளது.
இதற்கிடையே, விஜய்யின் குடும்ப வாழ்க்கை குறித்தும், அவர் விவாகரத்து செய்யப்போவதாகவும் கூறப்படும் செய்திகள் ரசிகர்களிடையே குழப்பத்தை ஏற்படுத்தியுள்ளன. விஜய்யின் தனிப்பட்ட வாழ்க்கை குறித்து வெளியாகும் இத்தகைய தகவல்களால், அவரது ஆதரவாளர்களுக்கும் எதிர்ப்பாளர்களுக்கும் இடையே சமூக ஊடகங்களில் காரசாரமான விவாதங்கள் தொடர்ந்து நடைபெற்று வருகின்றன.
இந்தச் சூழலில், தயாரிப்பாளர் தனஞ்செயன் தனது எக்ஸ் பக்கத்தில் பதிவிட்ட கருத்து விவாதத்தை இன்னும் தீவிரமாக்கியுள்ளது. லட்சக்கணக்கான ரசிகர்களைக் கொண்ட ஒரு முன்னணி நடிகர், பொதுவெளியில் பொறுப்புணர்வுடன் நடந்துகொள்ள வேண்டும் என்றும், தவறான முன்னுதாரணத்தை உருவாக்குவது வருத்தமளிப்பதாகவும் அவர் விமர்சித்துள்ளார்.
கடந்த நவம்பர் மாதம் தனஞ்செயனின் மகள் திருமணத்தில் விஜய் தனியாகப் பங்கேற்றதையும் சுட்டிக்காட்டி, இப்போது மட்டும் ஏன் திரிஷாவுடன் சென்றார் என்ற கேள்வியும் எழுகிறது. ஒரு பொதுவாழ்க்கையில் இருப்பவர் தனது செயல்கள் மூலம் மற்றவர்களுக்கு எப்படி முன்மாதிரியாக இருக்க வேண்டும் என்பதை வலியுறுத்தி பலரும் தங்கள் கருத்துக்களைத் தெரிவித்து வருகின்றனர்.
