மும்பையின் குர்லா பகுதியில் வீதியோரக் கடையில் மொமோஸ் சாப்பிட்ட 16 பேருக்குத் திடீரெனக் கடுமையான உணவு நச்சுத்தன்மை ஏற்பட்டு மருத்துவமனையில் அனுமதிக்கப்பட்ட சம்பவம் பெரும் பரபரப்பையும் அதிர்ச்சியையும் ஏற்படுத்தியுள்ளது.

கடைகளில் விற்கப்படும் சுவையான மொமோஸ்களை வாங்கிச் சாப்பிட்ட சிறிது நேரத்திலேயே, அவர்களுக்குச் வாந்தி, கடுமையான காய்ச்சல் மற்றும் தலைச்சுற்றல் போன்ற அறிகுறிகள் தோன்றத் தொடங்கியுள்ளன. நாளுக்கு நாள் அதிகரித்து வரும் தெருவோர உணவுக் கடைகளின் பாதுகாப்பு மற்றும் சுகாதாரத்தை மீண்டும் ஒருமுறை இந்தக் கொடூரச் சம்பவம் கேள்விக்குறியாக்கியுள்ளது.

பாதிக்கப்பட்ட 16 நபர்களின் உடல்நிலையும் அடுத்தடுத்து மோசமடைந்ததைத் தொடர்ந்து, அவர்கள் உடனடியாக அருகில் உள்ள மருத்துவமனைகளுக்கு அழைத்துச் செல்லப்பட்டு தீவிர சிகிச்சைப் பிரிவில் அனுமதிக்கப்பட்டுள்ளனர். அந்த உணவுக் கடையில் பயன்படுத்தப்பட்ட மாவு, இறைச்சி அல்லது காரச் சட்னியில் கெட்டுப்போன பொருட்கள் கலந்துள்ளதே இந்த உணவு நச்சுத்தன்மைக்கு முதன்மைக் காரணம் எனக் சந்தேகிக்கப்படுகிறது.

இச்சம்பவம் குறித்துத் தகவலறிந்த சுகாதாரத்துறை அதிகாரிகள் மற்றும் காவல்துறையினர் உடனடியாக அந்த உணவுக் கடைக்கு விரைந்து சென்று ஆய்வு மேற்கொண்டு, அங்கிருந்த உணவு மாதிரிகளைச் சேகரித்து ஆய்வக சோதனைக்கு அனுப்பி வைத்துள்ளனர்.

ஆசையாக வாங்கிச் சாப்பிட்ட மொமோஸ், உயிருக்கே ஆபத்தாக மாறிய இந்தச் சம்பவம் அப்பகுதி மக்களிடையே பெரும் பீதியை விதைத்துள்ளது. தெருவோர உணவகங்களில் வழங்கப்படும் உணவின் தரத்தைக் கண்டிப்பான முறையில் ஆய்வு செய்ய வேண்டும் என்றும், சுகாதாரமற்ற முறையில் உணவுகளைத் தயாரித்து விற்பனை செய்யும் நபர்கள் மீது மிகக் கடுமையான சட்ட நடவடிக்கை எடுக்கப்பட வேண்டும் என்றும் பொதுமக்கள் வேதனையுடன் கோரிக்கை விடுத்து வருகின்றனர்.