கரூரில் அண்மையில் நிகழ்ந்த துரதிர்ஷ்டவசமான விபத்தில் பாதிக்கப்பட்ட மக்களுக்கு உதவும் நோக்கில், தமிழக அரசு மிக முக்கியமான அடுத்தகட்ட மனிதாபிமான நடவடிக்கையை எடுத்துள்ளது.

இந்தத் துயரச் சம்பவத்தில் தங்களது வாழ்வாதாரத்தை இழந்த குடும்பங்களுக்குக் கருணைத் தொகை மற்றும் கருணை அடிப்படையில் அரசுப் பணி நியமன ஆணைகளை வழங்குவதற்குத் தவெக அரசு தற்போதைய அதிகாரப்பூர்வப் பட்டியலை வெளியிட்டுள்ளது.

இதன்படி, கரூர் மாவட்டத்தைச் சேர்ந்த பாதிக்கப்பட்ட குடும்பங்களின் உறுப்பினர்கள் மொத்தம் 31 பேருக்கு இந்த அரசு வேலைவாய்ப்பு வழங்கப்படவுள்ளது.

கரூர் மாவட்ட ஆட்சியர் அலுவலகத்தில் உள்ள ஆய்வுக்கூட்டரங்கில் ஜூலை 10, 2026 அன்று நடைபெறவுள்ள மாண்புமிகு தமிழ்நாடு முதலமைச்சர் அவர்களின் ஆய்வுக் கூட்டத்தின் போது இந்த ஆணைகள் அதிகாரப்பூர்வமாக வழங்கப்படவுள்ளன.

இப்பட்டியலில் உள்ளவர்களுக்குப் பள்ளிக்கல்வித்துறை, மாவட்ட வருவாய் அலகு, ஊரக வளர்ச்சி மற்றும் ஊராட்சித் துறை, காவல்துறை, பதிவுத்துறை உள்ளிட்ட பல்வேறு அரசுத் துறைகளில் இளநிலை உதவியாளர், அலுவலக உதவியாளர், இரவுக்காவலர் மற்றும் தட்டச்சர் போன்ற பணியிடங்கள் ஒதுக்கீடு செய்யப்பட்டுள்ளன.

இவர்களுடன் ஈரோடு மாவட்டத்தைச் சேர்ந்த சுமதி என்பவருக்குக் கருணைத் தொகையாக 10 லட்சம் ரூபாய் (ரூபாய் பத்து லட்சம் மட்டும்) வழங்கப்படவுள்ள விபரமும் இந்தப் பட்டியலில் குறிப்பிடப்பட்டுள்ளது.