விலங்குகளின் செயற்திறன், வேடிக்கை மற்றும் விசித்திரமான நடத்தை அடங்கிய வீடியோக்கள் சமீபகாலமாக சமூக வலைதளங்களில் பெரிதும் வைரலாகின்றன. அவை சிரிப்பையும் மகிழ்ச்சியையும் ஏற்படுத்துகின்றன. அத்தகைய வீடியோக்களில், தற்போது ஒரு நாய், ஆமை போல நடக்கும் வீடியோ இணையத்தில் பெரும் வரவேற்பை பெற்று வருகிறது.

@naturelife_ok என்ற எக்ஸ் கணக்கில் பகிரப்பட்டுள்ள இந்த 29 வினாடிகள் கொண்ட வீடியோவில், ஒரு நாய், அருகில் நடந்து கொண்டிருந்த ஆமையைப் பின்பற்றி அதேபோன்று நடக்க முயற்சிக்கிறது. ஆமை வழக்கம்போல் மெதுவாக அதன் கால்களை இழுத்துக் கொண்டு நகர்கிறது. அதை கவனித்த நாய், தானும் அதைப் போலவே தனது கால்களை மெதுவாக இழுத்துக்கொண்டு நகரத் தொடங்குகிறது. இதை பார்ப்பது உண்மையில் நகைச்சுவையை தூண்டும் வகையிலேயே உள்ளது.

 

சாதாரணமாக நாய்கள் விரைவாக செயல்படும் விலங்குகள் என்ற கருத்துக்கு மாறாக, இந்த நாய், ஆமையின் நடையை நகலெடுக்க முயற்சிப்பது நிகரற்ற வேடிக்கை என கூறலாம். இந்த வீடியோ இதுவரை 1.7 மில்லியனுக்கும் (17 லட்சம்) அதிகமான பார்வைகள், மற்றும் 1 லட்சத்திற்கும் மேற்பட்ட லைக்குகள் பெற்று, பார்வையாளர்களிடையே பல்வேறு நகைச்சுவை மற்றும் ஆச்சரிய கருத்துகளுக்கு வழிவகுத்துள்ளது.

மேலும் சமூக வலைதளங்களில் பலரும், “இந்த நாய்க்கு ஆஸ்கார் தரலாம்!”, “படிக்காத நாய் ஆமையைப் பார்த்து கற்றுக்கொண்டதா?” போன்ற கருத்துகளை பதிவிட்டு வருகின்றனர். இவ்வாறு விலங்குகளின் இயற்கையான, ஆனால் மனிதர்களை நகைச்சுவையுடன் கவரும் செயல்கள், சமூக வலைதளங்களில் பார்வையாளர்களின் மனதைத் தட்டிக் கொடுக்கின்றன.