ரோஹிக்கு பிறகு இந்தியாவின் அடுத்த டெஸ்ட் கேப்டனை கணித்துள்ளார் இந்திய முன்னாள் கிரிக்கெட் வீரர் ஆகாஷ் சோப்ரா.

தென்னாப்பிரிக்காவில் ஒரு மாத சுற்றுப்பயணத்திற்காக இந்திய அணி நேற்று புறப்பட்டது. இந்தியாவின் தென்னாப்பிரிக்கா சுற்றுப்பயணம் டி20, ஒருநாள் மற்றும் டெஸ்ட் போட்டிகள் கொண்ட முழுமையான தொடர் ஆகும். டி20 தொடர் வரும் 10ம் தேதியும், அதை தொடர்ந்து ஒருநாள் தொடர் மற்றும் டெஸ்ட் தொடர் 26ம் தேதியும் தொடங்குகிறது.

இதில் கேப்டன் ரோகித் சர்மா, விராட் கோலி, ஜஸ்பிரித் பும்ரா என மூத்த வீரர்கள் அனைவரும் டெஸ்ட் தொடரில் மட்டுமே இடம்பெற்றுள்ளனர். அடுத்த உலக டெஸ்ட் சாம்பியன்ஷிப் இறுதிப் போட்டி வரை ரோஹித் இந்திய டெஸ்ட் கேப்டனாக நீடிப்பார் என்று எதிர்பார்க்கப்படுகிறது. 36 வயதான ரோஹித் பதவி விலகினால் இந்திய டெஸ்ட் கேப்டன் யார் என்ற கேள்வியும் தீவிரமாக உள்ளது.

இதற்கிடையில், டெஸ்ட் போட்டிகளில் இந்தியாவை வழிநடத்தும் 2 வீரர்களின் பெயர்களை முன்னாள் வீரர் ஆகாஷ் சோப்ரா வெளியிட்டார். கே.எல் ராகுல் மற்றும் ஜஸ்பிரித் பும்ரா ஆகியோர் கடந்த காலங்களில் இந்தியாவை டெஸ்ட் போட்டிகளில் வழிநடத்தியுள்ளனர். ஆனால் ஆகாஷ் சோப்ரா அவர்கள் யாரையும் இந்தியாவின் அடுத்த டெஸ்ட் கேப்டனாக பார்க்கவில்லை. அது விக்கெட் கீப்பர் ரிஷப் பண்ட். டெஸ்ட் கிரிக்கெட் வீரராக பண்ட் தனித்துவமானவர் என்றும் ஆகாஷ் சோப்ரா கூறினார். நீண்ட காலமாக, இந்தியாவின் அடுத்த டெஸ்ட் கேப்டனாக சுப்மன் கில் பார்க்கப்படுகிறார். ஆனால் ரோஹித்துக்குப் பதிலாக ரிஷப் பண்ட் இடம் பெறுவார் என்றும் ஆகாஷ் சோப்ரா கூறினார்.

ஆகாஷ் சோப்ரா தனது யூடியூப் சேனலில் பகிரப்பட்ட வீடியோவில், “நான் மிக நீண்ட காலத்தைப் பற்றி பேசுகிறேன், அது சுப்மன் கில் ஆக இருக்கலாம். ஆனால் நான் இப்போது பேசவில்லை, தொலைதூர எதிர்காலத்தைப் பற்றி பேசுகிறேன். அது ரிஷப் பண்டாக இருக்கலாம்.. ஒரு டெஸ்ட் கிரிக்கெட் வீரராக ரிஷப் பண்ட் 24 காரட் தங்கம்.

கடந்த ஆண்டு டிசம்பரில் கார் விபத்தில் காயமடைந்த ரிஷப் பண்ட், கிரிக்கெட்டுக்கு திரும்ப தயாராகி வருகிறார். மீண்டும் பயிற்சியில் ஈடுபட்டுள்ள ரிஷப் பண்ட், தனது உடற்தகுதியை நிரூபித்தால் அடுத்த ஐபிஎல் போட்டிக்கு முன்னதாக போட்டி கிரிக்கெட்டுக்கு திரும்புவார் என எதிர்பார்க்கப்படுகிறது.

டெஸ்ட் போட்டியில் ரிஷப் பண்ட் ஆட்டம் எப்படி :

2022 ஆம் ஆண்டில் ஐசிசியால் தேர்ந்தெடுக்கப்பட்ட சிறந்த டெஸ்ட் அணியில் இடம் பெற்ற ஒரே இந்திய வீரர் ரிஷப் பண்ட் ஆவார். 2022 ஆம் ஆண்டில், பண்ட் 12 இன்னிங்ஸ்களில் 90.90 சராசரியில் 680 ரன்கள் எடுத்தார்.  2022 இல் டெஸ்டில் 21 சிக்ஸர்ககளை அடித்ததோடு பண்ட் 2 சதங்கள் மற்றும் 4 அரைசதங்கள் அடித்தார். அவர் 6 ஸ்டம்பிங் செய்து 23 கேட்சுகளை எடுத்தார்.

26 வயதானபண்ட், 33 டெஸ்ட் போட்டிகளில் 5 சதங்கள் மற்றும் 11 அரை சதங்களுடன் 43.67 சராசரியுடன் 2,271 ரன்களை மிக நீண்ட வடிவத்தில் எடுத்துள்ளார். மேலும், சமீப காலமாக அவரது விக்கெட் கீப்பிங்கிலும் முன்னேற்றம் ஏற்பட்டுள்ளது. தலைமை அனுபவத்தைப் பற்றி பேசுகையில், ரிஷப் பண்ட் 5 டி20 போட்டிகளில் இந்தியாவை வழிநடத்தியுள்ளார் மற்றும் ஐபிஎல்லில் டெல்லி கேபிடல்ஸ் (டிசி) கேப்டனாகவும் உள்ளார்.

சுப்மன் கில் டெஸ்ட் செயல்பாடு எப்படி :

24 வயதான கில் பற்றி பேசுகையில், வலது கை ஆட்டக்காரர் 2023 இல் அனைத்து வடிவங்களிலும் சிறப்பான ஆட்டத்தை வெளிப்படுத்தி வருகிறார்.. டெஸ்டில், அவர் 18 டெஸ்டில் விளையாடி 32.20 சராசரியில் 966 ரன்கள் எடுத்துள்ளார், இதில் இரு சதங்கள் மற்றும் 4 அரைசதங்கள் அடங்கும். ஹர்திக் பாண்டியா மும்பை இந்தியன்ஸுக்கு (எம்ஐ) மாறிய பிறகு ஐபிஎல் 2024ல் குஜராத் டைட்டன்ஸ் (ஜிடி) அணியை அவர் வழிநடத்தவுள்ளார்.