முன்னாள் பாஜக மாநில தலைவர் அண்ணாமலை கட்சியிலிருந்து விலகி, புதிய அரசியல் இயக்கம் தொடங்கப்போவதாக இன்ஸ்டாகிராம் நேரலையில் அதிரடியாக அறிவித்துள்ளார். அவரது ராஜினாமாவை பாஜக தேசிய தலைமை உறுதி செய்துள்ள நிலையில், அண்ணாமலையின் இந்த திடீர் முடிவு அரசியல் வட்டாரத்தில் பெரும் பரபரப்பை ஏற்படுத்தியுள்ளது.
புதிய இயக்கம் மூலம் தமிழக அரசியலில் அடுத்தகட்ட நகர்வை நோக்கி அண்ணாமலை பயணிக்கத் தொடங்கியுள்ள சூழலில், கூட்டணிக் கட்சிகள் மற்றும் மாற்றுத் திறனாய்வாளர்கள் மத்தியில் இது விவாதப் பொருளாக மாறியுள்ளது.
இந்நிலையில், அண்ணாமலையின் விலகல் குறித்து செய்தியாளர்களிடம் பேசிய பாஜக மாநில தலைவர் நயினார் நாகேந்திரன், சித்தாந்தத்தை அடிப்படையாகக் கொண்ட பாஜகவுக்கு இதனால் எந்தப் பாதிப்பும் இல்லை என்று திட்டவட்டமாகக் கூறியுள்ளார்.
பிரதமர் மோடி உலக நாடுகளுக்குச் செல்லும் இடமெல்லாம் தமிழ் மொழியின் பெருமைகளைப் பேசி வருவதாகக் குறிப்பிட்ட அவர், யார் வேண்டுமானாலும் கட்சி தொடங்கலாம் என்பது ஜனநாயக உரிமை என்றார். மேலும், அண்ணாமலையின் புதிய இயக்கம் அரசியல் மாற்றத்தை ஏற்படுத்துமா என்பது குறித்து தான் எந்தக் கருத்தும் சொல்ல முடியாது என்றும் அவர் தெரிவித்துள்ளார்.
