அ.தி.மு.க. பொதுச் செயலாளர் எடப்பாடி கே. பழனிசாமி நேற்று ‘மக்களை காப்போம், தமிழகத்தை மீட்போம்’ என்ற தலைப்பில் கோவையில் பிரச்சார பயணத்தை தொடங்கினார். இந்த நிகழ்ச்சியின் போது, கோவை அருகே உள்ள ஒரு சாலையோர வியாபாரியிடம் அவர் நேரில் சென்று, “100 ரூபாய்க்கு எலுமிச்சம்பழம் கொடுங்கள்” என்று கேட்டபடி 20 எலுமிச்சம்பழங்களை வாங்கினார். தனது கையில் இருந்த  ₹100 நோட்டையும் அந்த வியாபாரியிடம் கொடுத்து அவரை மகிழ்ச்சியடையச் செய்தார். இந்த சம்பவத்தின் வீடியோ சமூக வலைதளங்களில் வேகமாக பரவ, “மக்களோடு மக்களாக இருக்கிறார்” என நெட்டிசன்கள் புகழாரம் சூட்டி வருகின்றனர்.

இந்த வீடியோவைப் பார்த்த பலரும், “ஒரு முன்னாள் முதலமைச்சர் இந்த அளவிற்கு எளிமையாக மக்கள் மத்தியில் நடந்து கொள்வதை காண மகிழ்ச்சி” என தெரிவித்துள்ளனர். குறிப்பிடத்தக்கது எனில், இதற்கு முன்பாக முதல்வர் மு.க. ஸ்டாலின், நடைப்பயிற்சியின் போது பொதுமக்களிடம் உரையாடியதோடு சில நேரங்களில் சாலையோர டீ கடைகளிலும் நின்று டீ குடித்த நிகழ்வுகளும் பரவலாக பேசப்பட்டது. இப்போது அதேபோல், எடப்பாடி பழனிசாமியின் இந்த நடத்தை பிரச்சாரத்துக்கு வெகு நேர்முகம் அளிக்கிறது என அ.தி.மு.க. ஆதரவாளர்கள் கருத்து தெரிவித்து வருகின்றனர். மேலும் இந்த வீடியோவை பிரபல ஊடகம் ஒன்று தங்களுடைய youtube பக்கத்தில் வெளியிட மிகவும் வைரல் ஆகிறது.