அமெரிக்காவின் ஸ்டான்போர்ட் பல்கலைக்கழக ஆராய்ச்சியாளர்கள் மூட்டு வலியிலிருந்து நிரந்தரத் தீர்வு காண்பதற்கான ஒரு புரட்சிகரமான நவீன சிகிச்சை முறையைக் கண்டறிந்துள்ளனர். வயது முதிர்வின் காரணமாக மூட்டுகளில் சுரக்கும் என்ற புரதமே குருத்தெலும்புகள் தேய்மானம் அடைவதற்கு முக்கியக் காரணமாக அமைகிறது.

இந்த ஆய்வின் மூலம், குறிப்பிட்ட அந்தப் புரதத்தைச் செயலிழக்கச் செய்வதன் வழியாக, உடலில் உள்ள ஸ்டெம் செல்களைத் தூண்டி, தேய்ந்து போன குருத்தெலும்புகளை மீண்டும் இயற்கையாகவே வளரச் செய்ய முடியும் என்று ஆராய்ச்சியாளர்கள் நிரூபித்துள்ளனர். எலிகளிடம் நடத்தப்பட்ட இந்தச் சோதனை பெரும் வெற்றியைப் பெற்றுள்ள நிலையில், இது மூட்டு வலி சிகிச்சையில் ஒரு புதிய மைல்கல்லாகக் கருதப்படுகிறது.

இந்தத் தொழில்நுட்பம் பயன்பாட்டுக்கு வரும்போது, மூட்டு மாற்று அறுவை சிகிச்சை போன்ற சிக்கலான நடைமுறைகள் இன்றி, எளிய மருந்துகள் அல்லது ஊசிகளின் மூலமே மூட்டுத் தேய்மானத்தை முழுமையாகக் குணப்படுத்த முடியும். இது விளையாட்டு வீரர்களுக்கும், மூட்டு வலியால் அவதிப்படும் முதியவர்களுக்கும் ஒரு வரப்பிரசாதமாக அமையும் என எதிர்பார்க்கப்படுகிறது.