தவெக அரசின் அடக்குமுறைகள் மற்றும் ஆட்சி அலங்கோலங்களைக் கண்டித்து, தேசிய அளவிலான ‘தி இந்து’ ஆங்கில நாளிதழின் தலையங்கத்தைச் சுட்டிக்காட்டி திமுக தலைவர் மு.க.ஸ்டாலின் தனது எக்ஸ் (ட்விட்டர்) பக்கத்தில் மிகக் கடுமையான கண்டனப் பதிவொன்றை வெளியிட்டுள்ளார். இந்த பதிவு தற்போது தமிழக அரசியல் களத்தில் பெரும் விவாதத்தையும் பரபரப்பையும் ஏற்படுத்தியுள்ளது.

​தனது பதிவில் குறிப்பிட்டுள்ள திமுக தலைவர் மு.க.ஸ்டாலின், “தவெக ஆட்சியின் அலங்கோலங்களை எல்லாம் தொடர்ந்து முன்னெடுக்கப்படும் கைது நடவடிக்கைகளால் மட்டுமே சரிக்கட்டி மறைத்து விடலாம் என்று தவெக அரசு தவறாக எண்ணிக் கொண்டிருக்கிறது. ஆனால், அரசின் இந்த அநியாயமான ஆணவத்திற்கும் அடக்குமுறைக்கும் மக்களே விரைவில் சரியான பாடத்தைப் புகட்டுவார்கள்” என்று மிகக் காட்டமாக எச்சரித்துள்ளார்.

​மேலும், இந்தியா முழுவதும் பிரசித்தி பெற்ற ‘தி இந்து’ ஆங்கில நாளிதழில் வெளியான காரசாரமான தலையங்கத்தை மேற்கோள் காட்டியுள்ள அவர், “தேசிய அளவில் வெளியாகும் ஒரு புகழ்பெற்ற பத்திரிகையின் நடுப்பக்கம், தவெக முதலமைச்சரின் தலையில் நங்கு நங்கென்று குட்டி, அரசின் தவறைச் சுட்டிக்காட்டியிருக்கிறது” என்று ஆவேசமாகத் தெரிவித்துள்ளார்.

​அரசுக்கு எதிராக எழும் நியாயமான விமர்சனங்களையும், மக்கள் எதிர்கொள்ளும் பிரச்சனைகளையும் கேட்காமல், அதிகார பலத்தைப் பயன்படுத்தி எதிர்க்குரல்களை ஒடுக்க நினைக்கும் தவெக அரசின் போக்கை இந்தத் தலையங்கம் அப்பட்டமாகத் தோலுரித்துக் காட்டியுள்ளதாக அரசியல் விமர்சகர்கள் சுட்டிக்காட்டுகின்றனர்.

​தவெக அரசின் செயல்பாடுகளை தேசிய ஊடகமே கடுமையாகச் சாடியுள்ள நிலையில், அதனைச் சுட்டிக்காட்டி மு.க.ஸ்டாலின் வெளியிட்டுள்ள இந்த அதிரடிப் பதிவு, சோஷியல் மீடியாக்களில் தீயாய் பரவி வருவதோடு, தவெக ஆளுங்கட்சி வட்டாரத்திலும் பெரும் அதிர்வலைகளை உருவாக்கியுள்ளது.