தமிழக சட்டமன்றத் தேர்தலுக்கான களம் இப்போது முழுமையாகத் தயாராகிவிட்டது! கடந்த மார்ச் 30-ம் தேதி தொடங்கிய வேட்புமனு தாக்கல், இன்று மாலை 3 மணியுடன் அனைத்து 234 தொகுதிகளிலும் நிறைவடைந்தது. கடைசி நாளான இன்று எடப்பாடி பழனிசாமி, நயினார் நாகேந்திரன், பிரேமலதா விஜயகாந்த், தமிழிசை சௌந்தரராஜன் உள்ளிட்ட முக்கியத் தலைவர்கள் தங்களது வேட்புமனுக்களைத் தாக்கல் செய்தனர். கடைசி நேரத்தில் மனுத் தாக்கல் செய்ய வேட்பாளர்கள் அலைமோதியதால், பல இடங்களில் தேர்தல் அலுவலகங்கள் பரபரப்பாகக் காணப்பட்டன.

​தாக்கல் செய்யப்பட்ட மனுக்கள் மீதான பரிசீலனை நாளை (ஏப்ரல் 7) நடைபெறவுள்ளது. மனுக்களைத் திரும்பப் பெற ஏப்ரல் 9-ம் தேதி வரை அவகாசம் அளிக்கப்பட்டுள்ளது. அதன் பின்னரே ஒவ்வொரு தொகுதியிலும் களத்தில் இருக்கும் வேட்பாளர்களின் இறுதிப் பட்டியல் வெளியாகும். இதுவரை ஆயிரக்கணக்கானோர் மனுத் தாக்கல் செய்துள்ள நிலையில், தமிழகத்தின் தலையெழுத்தை நிர்ணயிக்கப் போகும் இந்தப் பொதுத்தேர்தல் வரும் ஏப்ரல் 23-ம் தேதி நடைபெறுகிறது. வாக்கு எண்ணிக்கை மே 4-ம் தேதி நடைபெறும் என அறிவிக்கப்பட்டுள்ளது.