தமிழகச் சட்டமன்றத் தேர்தல் முடிவுகள் தங்களுக்குப் பேரிடியாக அமைந்துள்ளதாக பாஜக மூத்த தலைவர் தமிழிசை சௌந்தரராஜன் தெரிவித்துள்ளார்.

சென்னையில் செய்தியாளர்களைச் சந்தித்த அவர், “பாஜக மக்களால் புறக்கணிக்கப்பட்டுள்ளதா?” என்ற கேள்விக்கு பதிலளிக்கையில், “மழை தூறும் என்றுதான் எதிர்பார்த்தோம், ஆனால் சுனாமியே வந்துவிட்டது; இந்தத் தேர்தல் தோல்வியை யாரும் எதிர்பார்க்கவில்லை” என்று உருக்கமாகக் குறிப்பிட்டார்.

மேலும், கடந்த காலங்களில் ஒரே ஒரு எம்.எல்.ஏ.வை மட்டுமே கொண்டிருந்த திமுக பின்னர் ஆட்சிக்கு வந்ததையும், 2 எம்.பி.க்களை மட்டுமே வைத்திருந்த பாஜக தற்போது நாட்டை ஆள்வதையும் சுட்டிக்காட்டிய அவர், இந்தத் தற்காலிகச் பின்னடைவிலிருந்து கட்சி நிச்சயம் மீண்டு வரும் என்றார். தங்களின் அரசியல் சமூக ஊடக ‘ரீல்ஸ்களை’ (Reels) மட்டும் நம்பியது அல்ல என்றும், கள யதார்த்தத்தை நம்பி இயங்குவது என்றும் அவர் உறுதியுடன் தெரிவித்தார்.