2026 துலீப் டிராபி தொடரின் அரையிறுதிப் போட்டியில் மத்திய மண்டல அணிக்கு எதிராகப் போட்டியிட்ட சூர்யவன்ஷி, அபாரமாக ஆடி 92 ரன்கள் விளாசிய நிலையில் வெறும் 8 ரன்கள் வித்தியாசத்தில் தனது சதத்தை நழுவவிட்டு ஆட்டமிழந்தார். அணியின் ரன் எண்ணிக்கையை உயர்த்தப் போராடிய அவர், சதம் அடிக்கும் தருவாயில் ஆட்டமிழந்தது அவரது ரசிகர்களிடையேயும் அணி நிர்வாகத்திடையேயும் பெரும் ஏமாற்றத்தையும் சோகத்தையும் ஏற்படுத்தியுள்ளது.

​சூர்யவன்ஷி தன் தொழில்முறை கிரிக்கெட் வாழ்க்கையில் 90-க்கும் மேற்பட்ட ரன்களைக் கடந்து, சதம் அடிக்க முடியாமல் ஆட்டமிழந்து வெளியேறுவது இது 7-வது முறையாகும். மைதானத்தில் அதிரடியாக விளையாடி எதிரணியின் பந்துவீச்சை நாலாபுறமும் சிதறடித்தாலும், நர்வஸ் 90s (Nervous 90s) நிலைக்கு வரும்போது விக்கெட்டைப் பறிகொடுக்கும் இந்தச் சம்பவம் மீண்டும் மீண்டும் தொடர்வது கிரிக்கெட் வட்டாரத்தில் பெரும் விவாதப் பொருளாக மாறியுள்ளது.

​இருப்பினும், இதுவரை தனது தொழில்முறை கிரிக்கெட் பயணத்தில் மொத்தமாக 11 பிரம்மாண்ட சதங்களை அடித்துச் சாதனை படைத்துள்ள சூர்யவன்ஷி, தனது அதிரடி ஆட்டத்தால் தொடர்ந்து கவனம் ஈர்த்து வருகிறார். 8 ரன்னில் சதத்தைத் தவறவிட்டாலும், துலீப் டிராபி அரையிறுதிப் போட்டியில் அவர் அடித்த இந்த 92 ரன்கள் மத்திய மண்டல அணிக்கு எதிராகத் தனது அணி பலமான நிலைய எட்ட பெரும் பக்கபலமாக அமைந்தது என்பதில் மாற்றுக் கருத்து இல்லை.