மனித உறவுகளின் மீதான நம்பிக்கையைத் தகர்க்கும் ஒரு மிகக்கொடூரமான சம்பவம் மகாராஷ்டிராவில் நிகழ்ந்துள்ளது. வெறும் 3 வயதே ஆன ஒரு பச்சிளம் சிறுமி, தனது சொந்தச் சித்தப்பாவாலேயே கூட்டுப் பாலியல் வன்கொடுமைக்கு ஆளாக்கப்பட்ட சம்பவம் அந்தப் பகுதியையே உலுக்கியுள்ளது.

வீட்டில் விளையாடிக்கொண்டிருந்த அந்தச் சிறுமியை, பாசமாகப் பேசுவது போல நடித்து அந்தச் சித்தப்பா அருகில் இருந்த வயல்வெளிக்குத் தூக்கிச் சென்றுள்ளார்.

அங்கு ஏற்கனவே காத்திருந்த தனது இரண்டு நண்பர்களுடன் சேர்ந்து, அந்தப் பிஞ்சு குழந்தையைக் கூட்டுப் பாலியல் வன்கொடுமை செய்துள்ளனர்.

குழந்தையின் அலறல் சத்தம் கேட்டு ஓடிவந்த உறவினர்கள், சிறுமியின் நிலையைப் பார்த்து அதிர்ச்சியில் உறைந்துபோயினர். உடனடியாகக் குழந்தை மருத்துவமனையில் அனுமதிக்கப்பட்டு தீவிர சிகிச்சை அளிக்கப்பட்டு வருகிறது.

இது குறித்துப் புகார் அளித்ததன்பேரில், அந்தச் சித்தப்பா மற்றும் அவரது இரண்டு நண்பர்களையும் போலீசார் கைது செய்துள்ளனர். சொந்த இரத்தமே இவ்வளவு கொடூரமாக நடந்துகொண்டது அந்தப் பகுதியில் பெரும் கொந்தளிப்பை ஏற்படுத்தியுள்ளது.