தமிழக வெற்றிக் கழகத்தை ஆதரிக்கும் பெண்கள் குறித்து ஆபாசமாகப் பேசிய அரசியல் விமர்சகர் பொன்ராஜ் மீது, அக்கட்சியின் தலைவர் விஜய் நேற்று சென்னை கமிஷனர் அலுவலகத்தில் நேரில் புகார் அளித்திருந்தார். இந்தச் சம்பவம் அரசியல் வட்டாரத்தில் பெரும் பரபரப்பை ஏற்படுத்தியிருந்த நிலையில், நாம் தமிழர் கட்சியின் ஒருங்கிணைப்பாளர் சீமான் இதற்குப் பதிலடி கொடுத்துள்ளார். பொன்ராஜ் பேசியது தவறில்லை என்றும், அது வெறும் ஆதங்கத்தின் வெளிப்பாடு மட்டுமே என்றும் அவர் தெரிவித்துள்ளார்.
மேலும், சமீபகாலமாக பெண்கள் மத்தியில் விஜய்க்கு ஏற்பட்டுள்ள அதிருப்தியை மறைக்கவே, அவர் இப்படி ஒரு புகாரை அளித்துள்ளதாகச் சீமான் விமர்சித்துள்ளார். “தம்பி விஜய்” என்று அன்பு பாராட்டி வந்த சீமான், இப்போது விஜய்யின் புகாரைக் கடுமையாகச் சாடியுள்ளது தவெக மற்றும் நாம் தமிழர் கட்சித் தொண்டர்களிடையே பெரும் விவாதத்தை ஏற்படுத்தியுள்ளது. சட்டமன்றத் தேர்தலுக்கு இன்னும் சில காலமே உள்ள நிலையில், இந்த ‘அண்ணன் – தம்பி’ மோதல் தமிழக அரசியலில் ஒரு புதிய திருப்பமாகப் பார்க்கப்படுகிறது.
