அரசு முறைப் பயணமாக ஸ்லோவாக்கியா நாட்டுக்குச் சென்றுள்ள இந்தியப் பிரதமர் நரேந்திர மோடிக்கு அந்நாட்டு அரசு சார்பில் பிரமாண்டமான மற்றும் சிறப்பான வரவேற்பு அளிக்கப்பட்டுள்ளது. இரு நாடுகளுக்கு இடையேயான சுமுகமான உறவையும், நற்புறவையும் வலுப்படுத்தும் நோக்கில் இந்த அரசு முறைப் பயணம் அமைந்துள்ளது குறிப்பிடத்தக்கது.
இந்த வருகையின் போது, இரு நாடுகளின் ஆழமான நட்பின் அடையாளமாக ஸ்லோவாக்கியா நாட்டின் புகழ்பெற்ற வரலாற்றுச் சின்னமான பிராட்டிஸ்லாவா கோட்டை, இந்திய தேசியக் கொடியின் மூவர்ண நிறங்களால் ஒளிரூட்டப்பட்டது. வரலாற்றுச் சிறப்புமிக்க இந்தக் கோட்டை இந்திய மூவர்ண நிறத்தில் ஜொலித்தக் காட்சிகள் அங்கிருந்தவர்களைப் பெருமிதமடையச் செய்ததுடன், தற்போது சமூக வலைத்தளங்களிலும் நற்புறவின் அடையாளமாக வைரலாகி வருகிறது.
