“பயிர்க்கடன் தள்ளுபடி என்ற பெயரில் விவசாயிகளை ஏமாற்றி, மாபெரும் நம்பிக்கை மோசடியை த.வெ.க அரசு செய்துள்ளது” என்று எதிர்க்கட்சித் தலைவர் உதயநிதி ஸ்டாலின் தனது எக்ஸ் (ட்விட்டர்) பக்கத்தில் மிகக் காட்டமாக விமர்சித்துள்ளார். தேர்தல் பிரச்சாரத்தின் போது 5 ஏக்கர் வரை நிலம் வைத்திருக்கும் விவசாயிகளுக்கு முழுமையான பயிர்க்கடன் தள்ளுபடி என்று வாக்குறுதி கொடுத்துவிட்டு, தற்போது வெறும் 50,000 ரூபாய் வரையிலான கடனுக்கு மட்டுமே முழு தள்ளுபடி என அறிவித்திருப்பது விவசாயிகளுக்கு இழைக்கப்படும் அநீதி என்று அவர் சாடியுள்ளார்.

​மேலும், ஏற்கனவே 200 யூனிட் வரை இலவச மின்சாரம் என்று கூறிவிட்டு, 500 யூனிட்டுக்கு மேல் பயன்படுத்தினால் அது கிடையாது என அதிர்ச்சி கொடுத்ததையும் உதயநிதி ஸ்டாலின் சுட்டிக்காட்டியுள்ளார். “இப்போது பயிர்க்கடன் தள்ளுபடியிலும் மிகப்பெரிய ஸ்கேம் (SCAM) செய்கிறார்கள்; இப்படி இன்னும் எத்தனை ஏமாற்றங்களுக்கு மக்கள் மனசளவில் தயாராக இருக்க வேண்டும் CM சார்?” என த.வெ.க அரசை நோக்கி அவர் எழுப்பியுள்ள அடுக்கடுக்கான கேள்விகள் தற்போது தமிழக அரசியல் வட்டாரத்தில் பெரும் புயலைக் கிளப்பியுள்ளது.