நாகை மாவட்டம் புத்தூர் பகுதியில் நடந்த பிரசார பொதுக்கூட்டத்தில், தமிழக வெற்றிக்கழக (தவெக) தலைவர் விஜய் உரையாற்றினார்.

“திமுக அரசு அடக்குமுறையிலும், அராஜகத்திலும் இயங்கிக் கொண்டிருக்கிறது. நாங்கள் எங்கு சென்றாலும் மின் துண்டிப்பு, மைக் துண்டிப்பு போன்ற தடைகளை உருவாக்குகிறார்கள். எங்களை மிரட்டிப் பார்க்கும் அரசியல் தமிழ்நாட்டுக்கு தேவையில்லை. நேர்மையான போட்டிக்கே வாருங்கள்!” என நேரடியாக சவால் விடுத்தார்.

மேலும், “2026 சட்டமன்றத் தேர்தலில், போட்டி மட்டும் தான். ஒரு பக்கம் தவெக, மறுபக்கம் திமுக. மக்கள் நலனுக்காகவே தவெக ஆட்சி அமைய வேண்டும். தங்களது கொள்கையை பேருக்கு மட்டும் சொல்கிறார்கள்; செயல்பாட்டில் கொள்ளை அடிக்கிறார்கள். இந்த உரை ஒரு போர்முழக்கம். திமுகவை அரசியல் அரங்கில் துரத்துவோம்” என விஜய் உறுதியோடு தெரிவித்தார். அவரது இந்த உரை, திமுக அரசின் செயல்பாடுகளுக்கு எதிரான பேச்சாக  பார்க்கப்படுகிறது.