அதிமுகவின் வடசென்னை வடகிழக்கு மாவட்டச் செயலாளரும், ஆர்.கே. நகர் சட்டமன்றத் தொகுதி வேட்பாளருமான ஆர்.எஸ். ராஜேஷ், தனது ஆதரவாளர்களுடன் தமிழக வெற்றிக் கழகத்தில் (தவெக) இணைந்தது தமிழக அரசியல் களத்தில் பெரும் பரபரப்பை ஏற்படுத்தியுள்ளது.
சென்னை பனையூரில் உள்ள தவெக தலைமைச் செயலகத்தில் நடைபெற்ற இந்த இணைப்பு நிகழ்வில், தவெக பொதுச்செயலாளர் என். ஆனந்த் முன்னிலையில் ஆர்.எஸ். ராஜேஷ் மற்றும் அவரது ஆதரவாளர்கள் தங்களைக் முறைப்படி கட்சியில் இணைத்துக் கொண்டனர்.
வரவிருக்கும் 2026 சட்டமன்றத் தேர்தலை முன்னிட்டுத் தமிழக வெற்றிக் கழகம் தனது அமைப்பைப் பலப்படுத்தி வரும் நிலையில், மாற்றுக்கட்சிகளைச் சேர்ந்த முக்கிய நிர்வாகிகளும் முன்னணி தலைவர்களும் தொடர்ந்து தவெகவை நோக்கிப் படைஎடுத்து வருகின்றனர்.
வடசென்னையில் வலுவான செல்வாக்குக் கொண்ட ஒரு மாவட்டச் செயலாளரே தனது ஆதரவாளர்களுடன் அதிமுகவில் இருந்து வெளியேறி தவெகவில் இணைந்துள்ளது, அதிமுக வட்டாரத்தில் பெரும் அதிர்வலைகளை ஏற்படுத்தியுள்ளதுடன், தமிழக அரசியல் களத்தை மேலும் விறுவிறுப்படையச் செய்துள்ளது.
