தமிழ்நாட்டில் மார்ச் 3ஆம் தேதி முதல் 25ஆம் தேதி வரை 12-ஆம் வகுப்பு மாணவர்களுக்கான பொது தேர்வுகள் நடைபெற்றது. இந்நிலையில் 12-ம் வகுப்பு மாணவர்களுக்கான பொது தேர்வு முடிவுகள் இன்று வெளியாகும் என்று பள்ளிக்கல்வித்துறை அறிவித்துள்ளது. இந்த தேர்வு முடிவினை வைத்தே மாணவர்கள் எதிர்கால படிப்புகளை தேர்ந்தெடுக்க முடியும் என்பதால் அதற்காக மிகவும் ஆவலுடன் காத்திருக்கிறார்கள்.

இந்நிலையில் 12-ம் வகுப்பு ரிசல்ட் வந்தவுடன் தேர்வு முடிவுகளை எப்படி பார்ப்பது என்பது குறித்து பார்ப்போம். அதன்படி மாணவர்கள் வீட்டில் இருந்தபடியே tnresults.nic.in, dge.tn.gov.in ஆகிய இணையதள முகவரிகள் மூலம் தெரிந்து கொள்ளலாம். மேலும் மாணவர்கள் அங்கீகரிக்கப்பட்ட இந்த இணையதளங்களில் தங்களுடைய ஹால் டிக்கெட் மற்றும் பிறந்த தேதியை உள்ளீடு செய்தால் ரிசல்ட் தெரிந்து விடும். அதுமட்டுமின்றி மாணவர்களின் கைபேசி நம்பருக்கும் அதாவது பதிவு செய்த செல்போன் நம்பருக்கும் குறுஞ்செய்தி வாயிலாக ரிசல்ட் அனுப்பப்படும் என்பது குறிப்பிடத்தக்கதாகும்