நடிகர் விஜய்யின் தமிழக வெற்றிச் கழகத்துடன் (தவெக) சசிகலாவும், ராமதாஸும் கூட்டணி அமைப்பார்கள் என்று அரசியல் வட்டாரத்தில் மிகப்பெரிய எதிர்பார்ப்பு நிலவியது. ஆனால், நேற்று தைலாபுரம் இல்லத்தில் நடந்த திடீர் சந்திப்பு அந்த எதிர்பார்ப்புகளைத் தவிடுபொடியாக்கியுள்ளது. சசிகலாவின் புதிய கட்சியும், ராமதாஸின் பாமக (ராமதாஸ் அணி) பிரிவும் இணைந்து 234 தொகுதிகளிலும் தனித்துக் களம் காண்பதாக அறிவித்துள்ளன.

இந்தத் திடீர் திருப்பம் தவெக-வின் கூட்டணி வியூகத்தைப் பாதித்துள்ளதோடு, சசிகலா-ராமதாஸ் கூட்டணி ஒரு புதிய சக்தியாக உருவெடுத்துள்ளது. இதனால் தவெக மற்றும் சசிகலா தரப்பு இணைய வாய்ப்பே இல்லை என்பது தற்போது உறுதியாகியுள்ளது. ​தனிப்பாதை காணும் தவெக – களத்தில் 5 அணிகள்:
மற்றொருபுறம், புதிய தமிழகம் கட்சியின் தலைவர் கிருஷ்ணசாமி அதிமுக-வுடன் தனது கூட்டணிப் பேச்சை இறுதி செய்துவிட்டதாகத் தகவல்கள் வெளியாகியுள்ளன.

ஏற்கனவே எடப்பாடி பழனிசாமி தலைமையிலான கூட்டணியில் பாஜக, பாமக (அன்புமணி அணி), தேமுதிக உள்ளிட்ட கட்சிகள் இடம்பெற்றுள்ள நிலையில், கிருஷ்ணசாமியின் வருகை அந்த அணியைப் பலப்படுத்தியுள்ளது. இதனால், எந்தக் கூட்டணியிலும் சேராமல் தவெக வரும் தேர்தலைத் தனித்துப் சந்திக்க முடிவெடுத்துள்ளது. இதன் விளைவாக, திமுக கூட்டணி, அதிமுக கூட்டணி, சசிகலா-ராமதாஸ் கூட்டணி, சீமானின் நாம் தமிழர் மற்றும் விஜய்யின் தவெக என தமிழகத் தேர்தல் களம் ஒரு வரலாற்றுச் சிறப்புமிக்க ‘ஐந்துமுனைப் போட்டி’யைச் சந்திக்கத் தயாராகிவிட்டது.