சென்னை பெருநகர போக்குவரத்துக் காவல் எஸ் 7 மடிப்பாக்கம் போக்குவரத்து காவல் நிலையத்திற்கு உட்பட்ட மடிப்பாக்கம் பிரதான சாலை மற்றும் மேடவாக்கம் பிரதான சாலை சந்திப்பில் KEC நிறுவனத்தினர் சென்னை மெட்ரோ ரயில் பணிகளை மேற்கொள்ள உள்ளதால் ஜூலை 13 மற்றும் 14 ஆகிய இரண்டு நாட்களுக்கு சோதனை அடிப்படையில் போக்குவரத்து மாற்றம் செய்யப்படுவதாக அறிவிக்கப்பட்டுள்ளது.

அதன்படி கைவேலியில் இருந்து கீழ்கட்டளை நோக்கி செல்லக்கூடிய மாநகர பேருந்து மற்றும் இதர வாகனங்கள் அனைத்தும் இடது புறம் திரும்பி லேக் வியூ சாலையில் இருந்து வலது புறம் திரும்பி ராஜேந்திரன் நகர் சாலையிலிருந்து மீண்டும் இடது புறம் திரும்பி மேடவாக்கம் பிரதான சாலை வழியாக கீழ்கட்டளை நோக்கி செல்லும். அதனைப் போலவே மடிப்பாக்கம் இருந்து கீழ்கட்டளை நோக்கி செல்லக்கூடிய வாகனங்கள் இடது புறம் திரும்பி சபரி சாலை தனியார் வங்கி வழியாக சென்று வலது புறம் திரும்பி லேக் வியூ ஆடையிலிருந்து மீண்டும் வலது புறம் திரும்பி ராஜேந்திரன் நகர் சாலையிலிருந்து இடது புறம் திரும்பி மேடவாக்கம் பிரதான சாலை வழியாக கீழ்கட்டளை நோக்கி செல்லலாம் என தெரிவிக்கப்பட்டுள்ளது.