தமிழகத்தில் 2026-ஆம் ஆண்டு நடைபெறவுள்ள சட்டமன்றத் தேர்தலை முன்னிட்டு அரசியல் களம் முன்னெப்போதும் இல்லாத வகையில் சூடுபிடிக்கத் தொடங்கியுள்ளது.

நடிகர் விஜய் தலைமையிலான தமிழக வெற்றிக் கழகம்  தனது ‘ஆட்சியில் பங்கு – அதிகாரப் பகிர்வு’ என்ற அறிவிப்பின் மூலம் திராவிடக் கட்சிகளுக்குப் புதிய சவாலை ஏற்படுத்தியுள்ள நிலையில், அதிமுகவிலிருந்து அண்மையில் விலகிய ஒன்பது முறை எம்.எல்.ஏ-வான கே.ஏ. செங்கோட்டையன் தவெக-வில் இணைந்து முக்கியப் பொறுப்பை ஏற்றுள்ளார்.

இது அதிமுக மற்றும் திமுக ஆகிய இரு கட்சிகளிலும் பெரும் சலசலப்பை ஏற்படுத்தியுள்ளதோடு, அதிருப்தியில் உள்ள நிர்வாகிகளைத் தன்பக்கம் இழுக்கும் பணியில் செங்கோட்டையன் தீவிரமாக ஈடுபட்டுள்ளார். இதேவேளையில், ஓ.பன்னீர்செல்வம் மற்றும் டிடிவி தினகரன் ஆகியோர் தவெக-வுடன் கூட்டணி அமைப்பதற்கான சாத்தியக்கூறுகள் அதிகரித்து வருவதால், வரும் பொங்கல் பண்டிகைக்குப் பிறகு தமிழகத்தின் அரசியல் கூட்டணி வரைபடம் முற்றிலும் மாறக்கூடும் என்று எதிர்பார்க்கப்படுகிறது.