டாடா ஐபிஎல் 2026 தொடரில் ராயல் சேலஞ்சர்ஸ் பெங்களூரு அணி 12 போட்டிகளில் 16 புள்ளிகளுடன் புள்ளிகள் பட்டியலில் முதலிடத்தில் கெத்தாக அமர்ந்து, ப்ளே-ஆஃப் சுற்றின் டாப் 2 இடங்களுக்குள் நுழைய தீவிரமாக போராடி வருகிறது. ஆனால், வாழ்வா சாவா என்ற கட்டாயத்தில் களம் கண்ட பஞ்சாப் கிங்ஸ் அணிக்கு, அவர்களின் நட்சத்திர பவுலர் அர்ஷ்தீப் சிங்கின் மோசமான ஃபீல்டிங் மிகப்பெரிய வேதனையை தந்துள்ளது. லோக்கி பெர்குசன் வீசிய ஓவரில், ஆர்சிபி-யின் வெங்கடேஷ் ஐயர் அடித்த பந்தை சரியாக கணிக்காமல் அர்ஷ்தீப் சிங் பவுண்டரிக்கு கோட்டை விட்டார்.

ஃபார்ம் இல்லாமல் தவித்துக் கொண்டிருந்த வெங்கடேஷ் ஐயருக்கு இந்த ஒற்றை பவுண்டரி அசுர வேக ஃபார்மை கொடுக்க, அதன் பிறகு ஹர்ப்ரீத் ப்ரார், யுஸ்வேந்திர சஹால் ஆகியோரின் ஓவர்களை சிக்ஸர், பவுண்டரிகளாக விளாசி ஆர்சிபி பக்கமாக ஆட்டத்தின் போக்கை ஒட்டுமொத்தமாக மாற்றினார். ​காயத்தால் கேப்டன் ரஜத் படிதார் விலகியதால், ஜித்தேஷ் சர்மா தலைமையில் களம் இறங்கிய பஞ்சாப் அணிக்கு, வெங்கடேஷ் ஐயரின் அதிரடி அரைசதம் மிகப்பெரிய இடியாக அமைந்தது.

விராட் கோலி ஆட்டமிழந்த பிறகும் பயமில்லாமல் ஆடிய ஐயர், ஆர்சிபி அணிக்காக தனது முதல் அரைசதத்தை பதிவு செய்து அசத்தினார். மறுபுறம், பஞ்சாப் அணி அர்ஷ்தீப் சிங்கை மட்டுமே அளவுக்கு அதிகமாக நம்பியிருப்பது அவர்களின் பலவீனமாக மாறியுள்ளது. கடந்த சீசன் வரை பஞ்சாப்பின் பலமாக இருந்த அர்ஷ்தீப்பின் யார்க்கர்களும், பவுன்சர்களும் இந்த சீசனில் எடுபடாமல் போனதும், அவரது உடற்தகுதி குறைபாடும் பஞ்சாப் அணியின் ப்ளே-ஆஃப் கனவுக்கு மிகப்பெரிய முட்டுக்கட்டையாக மாறியுள்ளது.