மாநாடு ஒன்றிற்குச் செல்ல முயன்ற இளைஞரை விவிகே கட்சியினர் சாலையில் அமர்ந்து மறித்த நிலையில், வழிகேட்ட அந்த இளைஞரைக் காவல்துறை கண்மூடித்தனமாகத் தாக்கியுள்ள சம்பவம் பெரும் சர்ச்சையையும் அதிர்ச்சியையும் ஏற்படுத்தியுள்ளது.

மாநாடு காரணமாகப் பொதுமக்களுக்குப் போக்குவரத்து நெரிசலும் சிக்கலும் ஏற்பட்டதால், விவிகே அமைப்பினர் சாலையில் அமர்ந்து போராட்டத்தில் ஈடுபட்டனர். அந்த வழியே அவசரமாகச் செல்ல வேண்டிய இளைஞர் ஒருவர், தங்களை அனுமதிக்கக் கோரி கேட்டபோது இரு தரப்புக்கும் இடையே கடுமையான வாக்குவாதம் வெடித்தது. பாதிக்கப்பட்ட இளைஞரை முதலில் மிரட்டிய காவல்துறையினர், பின்னர் ஆத்திரமடைந்த அவரைத் தாக்கியுள்ளனர். பதிலுக்கு அந்த இளைஞரும் எதிர்த்துத் தாக்கவே, அவரது கழுத்தைப் பிடித்து இழுத்துச் சென்று காவல் வாகனத்தில் ஏற்றும்போதும் கடுமையாகத் தாக்கப்பட்டுள்ளார்.

“>

 

அமைதியான முறையில் போராட்டம் நடத்துவது உரிமையாக இருந்தாலும், அதற்காகப் பொதுமக்களைச் சதி வலையில் சிக்க வைப்பதும், வழி கேட்டதற்காகக் காவல்துறையினர் ஒரு சாதாரண குடிமகனைத் தாக்குவதும் எந்த வகையில் நியாயம் என்ற கேள்வி எழுந்துள்ளது. மேலும், பாதிக்கப்பட்ட அந்த இளைஞர் மீதே தற்போது காவல்துறை தரப்பில் வழக்குப்பதிவு செய்யப்பட்டுள்ளது பொதுமக்களைக் கொதிப்படையச் செய்துள்ளது.