தமிழ்நாட்டில் காலை உணவு திட்டத்தை விரிவாக்கம் செய்வது குறித்த ஆலோசனை கூட்டம் சென்னை தலைமை செயலகத்தில் நடைபெற்றது. இந்த திட்டமானது தமிழக முழுவதும் கடந்த வருடம் செப்டம்பர் 15ஆம் தேதி தொடங்கப்பட்டது. அரசு பள்ளி மாணவர்களுடைய கல்வி ஊக்குவிக்கவும், அவர்களுடைய ஊட்டச்சத்து குறைபாட்டை போக்கவும், கல்வி இடைநிற்றலை தவிர்ப்பதற்காகவும் தமிழக அரசால் அறிவிக்கப்பட்ட இந்த திட்டமானது முதற்கட்டமாக 1545 அரசு தொடக்கப் பள்ளிகளில் தொடங்கப்பட்டது.

தற்போது நடந்து முடிந்த 2023-24 ஆம் ஆண்டுக்கான நிதிநிலை அறிக்கையின் படி காலை உணவு திட்டத்தை விரிவாக்கம் செய்ய மேலும் 500 கோடி ரூபாய் ஒதுக்கீடு செய்யப்பட்டது. இந்நிலையில் காலை சிற்றுண்டி திட்டத்தில் புதிதாக சென்னை உட்பட நான்கு மாவட்டங்களில் 32 பள்ளிகள் இணைக்கப்பட உள்ளன. இதன் மூலமாக 3507 பள்ளிகளில் காலை சிற்றுண்டி திட்டம் அமல்படுத்தப் பட உள்ளது. இந்தத் திட்டத்தின் மூலம் 50 ஆயிரத்துக்கும் மேற்பட்ட மாணவர்கள் பயன்பெற உள்ளதாக சென்னை மாநகராட்சி அதிகாரிகள் தெரிவித்துள்ளனர்.