உத்திரப் பிரதேச மாநிலத்தில், தனது கணவனைப் பழிவாங்க மனைவி ஒருவர் தனது காதலனுடன் சேர்ந்து தீட்டிய சதித் திட்டம் அம்பலமாகி பெரும் பரபரப்பை ஏற்படுத்தியுள்ளது. வாசிஃப் என்பவரின் மனைவி, தனது காதலன் அமானுடன் (Amaan) இணைந்து, கணவனின் காரில் ரகசியமாக மாட்டு இறைச்சியை மறைத்து வைத்துள்ளார். அதுமட்டுமல்லாமல், வாசிஃப் பெயரிலேயே 10 கிலோ மாட்டு இறைச்சியை பார்சல் அனுப்பி, அவரைச் சட்டத்தின் பிடியில் சிக்க வைக்க முயன்றுள்ளார். இந்தத் திட்டத்தின் ஒரு பகுதியாக, காதலன் அமான் ‘ராகுல்’ என்ற போலிப் பெயரில் பஜ்ரங் தளம் அமைப்பினருக்குத் தகவல் கொடுத்துள்ளார். இதன் அடிப்படையில் விரைந்து வந்த போலீசார், வாசிஃபை உடனடியாகக் கைது செய்தனர்.

​ஆனால், போலீசாரின் தீவிர விசாரணையில் உண்மை மிக விரைவில் வெளிச்சத்திற்கு வந்தது. வாசிஃபின் வீட்டில் இருந்த சிசிடிவி (CCTV) காட்சிகளை ஆய்வு செய்தபோது, அந்தப் பெண் தனது காதலனுடன் சேர்ந்து காரில் இறைச்சியை மறைத்து வைக்கும் காட்சிகள் தெளிவாகப் பதிவாகியிருந்தன. கணவனைச் சிக்க வைக்கப் போட்டத் திட்டம், இறுதியில் அந்தப் பெண்ணையும் அவரது காதலனையும் கம்பி எண்ண வைத்துள்ளது. ஒரு குடும்ப உறவில் இவ்வளவு வஞ்சகமா என்று அந்தப் பகுதி மக்களும், காவல்துறையினரும் அதிர்ச்சியில் உறைந்துள்ளனர். பொய்யான தகவல்கள் கொடுத்து மத ரீதியான பதற்றத்தை உருவாக்க முயன்ற இவர்களின் செயல் கண்டிக்கத்தக்கது.