இன்ஸ்டாகிராமில் வெளியான ஒரு காணொளி பார்வையாளர்களை ஆச்சரியத்தில் ஆழ்த்தியுள்ளது. இதில் ஒரு நபர் ஒரு தெருவில் நின்று கொண்டு, அந்தத் தெருவின் தனித்துவமான சிறப்பை விளக்குகிறார். அந்தத் தெருவின் ஒரு பக்கம் தமிழ்நாட்டைச் சேர்ந்ததாகவும், மறுபக்கம் கேரளாவைச் சேர்ந்ததாகவும் உள்ளது என்று கூறி, பார்ப்போரை வியப்பில் ஆழ்த்துகிறார். ஒரே தெருவில் இரு மாநிலங்கள் இணைந்திருப்பது என்ற அரிய நிகழ்வு மக்களின் கவனத்தை ஈர்த்து, இந்தக் காணொளி சமூக வலைதளங்களில் வைரலாகி வருகிறது.
அந்த நபர் மேலும் விளக்கும்போது, தெருவின் ஒரு பகுதி தமிழ்நாட்டின் கன்னியாகுமரி மாவட்டத்தில் உள்ள களியக்காவிளை பகுதியின் கீழ் வருவதாகவும், மற்றொரு பகுதி கேரளாவின் திருவனந்தபுரம் மாவட்டத்தில் உள்ள பாரசாலை பகுதியின் கீழ் வருவதாகவும் தெரிவிக்கிறார். இந்த இரு மாநிலங்களை ஒரு தெரு இணைக்கும் சுவாரசியமான தகவல் பார்வையாளர்களைக் ஆச்சரியத்தில் ஆழ்த்தியுள்ளது.
