புதுடெல்லி கான் மார்க்கெட் பகுதியில் ஸ்டார்பக்ஸ் கடை அமைந்துள்ளது. இந்த கடை மேலாளரான தேவேந்திர மெஹ்ரா என்பவர் கையில் மகளுடன் சொமாட்டோ டெலிவரி பணியை செய்து வரும் சோனு என்பவரை பாராட்டியுள்ளார். அவர் தனது சமூக வலைதள பக்கத்தில் கூறியிருப்பதாவது, புதுடெல்லி கான் மார்க்கெட் பகுதியில் எங்கள் ஸ்டார்பேக் கடையின் ஆர்டரை எடுக்க சோனு என்பவர் வந்தார்.

அவர் சொமோடோ டெலிவரி பாய்.. தனது இரண்டு வயது மகளை வைத்துக் கொண்டே அவர் வந்ததால் அவரிடம் விசாரித்தோம். அப்பொழுதுதான் அவர் சிங்கிள் பேரண்ட் என்பது தெரியவந்தது. ஒரு கையில் குழந்தை மற்றொரு கையில் டெலிவரி பார்சல் என மகளின் எதிர்கால வாழ்க்கையை கருத்தில் கொண்டு சோனு போராடுகிறார். அவரது போராட்டம் மற்றவர்களுக்கு ஊக்கம் அளிப்பதாக இருக்கிறது. அப்பாவும் மகளும் நலமாக வாழ எங்களின் இதயபூர்வமான வாழ்த்துக்கள் என தேவேந்திர மெஹ்ரா கூறியுள்ளார்.

இதனை பார்த்த சிலர் சோனு போன்றவர்களின் கதைகள் இதயத்தை பாரமாகிறது. அப்பாவால் போராடி வளர்க்கும் அந்த மகளின் கல்விக்காக நீதி திரட்ட ஏற்பாடு செய்வோம். அதில் முதல் பங்களிப்பு எனதாக இருக்கும் என கூறினார். மேலும் zomato வெளியிட்ட பதிவில் சோனுவை பற்றி இதயம் தரும் கதையை பகிர்ந்ததற்கு நன்றி. அவர் வேலையில் காட்டும் அர்ப்பணிப்பு மற்றும் மனவலிமை ஆகிவிட்டால் நாங்கள் ஈர்க்கப்பட்டோம் என கூறியுள்ளது.