கொளுத்தும் வெயிலின் கொடுமையால் மனிதர்கள் செய்யும் சில விசித்திரமான காரியங்கள் சமூக வலைத்தளங்களில் சிரிப்பையும் அதேசமயம் பெரும் அதிர்ச்சியையும் ஏற்படுத்தி விடுகின்றன. அந்த வகையில், உத்தரபிரதேசம் மாநிலம் லக்னோவின் லால்பாக் பகுதியில் உள்ள எஸ்பிஐ (SBI) ஏடிஎம் மையம் ஒன்றில் எடுக்கப்பட்ட வீடியோ தற்போது சோசியல் மீடியாவில் காட்டுத்தீயாய் பரவி வருகிறது. அங்கு நிலவி வரும் கடுமையான வெயில் மற்றும் புழுக்கத்தில் இருந்து தப்பிக்க நினைத்த இரண்டு நபர்கள், ஏடிஎம் சென்டருக்குள் இருக்கும் ஏசி காற்றை வாங்குவதற்காக வெறும் உள்ளாடைகளுடன் (Underwear) உள்ளே புகுந்துள்ளனர். பணம் எடுக்கும் பொது இடத்தை, தங்களது சொந்த படுக்கையறை போல நினைத்து அவர்கள் உள்ளே நின்றுகொண்டிருந்த காட்சி பார்ப்பவர்களை வாயடைக்க வைத்துள்ளது.

​”வெயிலோட கொடுமை தாங்காமத்தான் இப்படி பண்ணியிருக்காங்க” என்று இந்த வீடியோவை பார்த்து நெட்டிசன்கள் ஒருபக்கம் சிரித்து மடிந்தாலும், மறுபக்கம் இது மிகப்பெரிய பாதுகாப்பு குறைபாடு என்ற அதிர்ச்சி கிளம்பியுள்ளது. ஏடிஎம் போன்ற முக்கிய பொது வசதிகளை இப்படி தவறான முறையில் பயன்படுத்துவது சட்டப்படி குற்றமில்லையா என்றும், அங்கு செக்யூரிட்டி மற்றும் சிசிடிவி கண்காணிப்பு என்ன ஆனது என்றும் பலரும் கேள்வி எழுப்பி வருகின்றனர். இந்த வைரல் வீடியோவின் பின்னணியில் உள்ள உண்மைத் தன்மை இன்னும் முழுமையாக உறுதிப்படுத்தப்படாத நிலையிலும், ஏடிஎம் மையங்களின் பாதுகாப்பை அதிகரிக்க வேண்டும் என்ற விவாதம் தற்போது இணையத்தில் பலமாக வெடித்துள்ளது.