வானில் 40,000 அடி உயரத்தில் பறந்து கொண்டிருந்த எமிரேட்ஸ் ஏர்பஸ் ஏ380 விமானத்தில், தம்பதி ஒருவரின் திருமண நாளைக் கொண்டாடும் விதமாக விமானப் பணிக்குழுவினர் செய்த சிறப்பான ஏற்பாடு இணையதளங்களில் பலரது இதயங்களை வென்றுள்ளது.
இந்த வீடியோவில், விமானப் பணிப்பெண்கள் இனிமையான புன்னகையுடன் கேக் ஏந்தி வந்து, சற்றும் எதிர்பாராத விதமாக அந்தத் தம்பதிக்கு இன்ப அதிர்ச்சி அளித்தனர். சாதாரண பயணமாகத் தொடங்கிய அந்த நாள், விமானப் பணியாளர்களின் இந்த அன்பான செயலால் அந்தத் தம்பதிக்கு வாழ்நாள் முழுவதும் மறக்க முடியாத ஒரு பொன்னான தருணமாக மாறியது.
View this post on Instagram
“>
இந்நிலையில் இந்த நெகிழ்ச்சியான வீடியோ சமூக வலைதளங்களில் வைரலாகி வரும் நிலையில், எமிரேட்ஸ் நிறுவனத்தின் வாடிக்கையாளர் சேவை மற்றும் பயணிகளின் உணர்வுகளுக்கு அவர்கள் அளிக்கும் முக்கியத்துவத்தைப் பாராட்டிப் பலரும் கருத்து தெரிவித்து வருகின்றனர்.
மேலும் “இது போன்ற சிறிய செயல்களே ஒரு பயணத்தை வாழ்நாள் அனுபவமாக மாற்றுகின்றன” என நெட்டிசன்கள் பதிவிட்டு வருகின்றனர். ஆடம்பர வசதிகளுக்குப் பெயர்பெற்ற எமிரேட்ஸ் நிறுவனம், இது போன்ற தனிப்பட்ட கவனிப்பின் மூலம் தங்களின் தரமான விருந்தோம்பலை மீண்டும் ஒருமுறை நிரூபித்துள்ளது. இச்சம்பவம் இணையவாசிகள் மத்தியில் பெரும் வரவேற்பைப் பெற்றுள்ளது.
