திமுக கட்சியின் தலைவராக இருந்த கலைஞர் கருணாநிதிக்கு பிறகு அவருடைய மகன் மு.க ஸ்டாலின் தலைவர் பதவிக்கு வந்தார். முதல்வர் ஸ்டாலின் தலைமையில் திமுக போட்டியிட்ட முதல் தேர்தலிலேயே முதல்வராக வெற்றி பெற்றார் ஸ்டாலின். கடந்த சட்டமன்ற தேர்தலில் ஸ்டாலின் மகன் உதயநிதியும் சேப்பாக்கம் தொகுதியில் போட்டியிட்டு எம்எல்ஏவாக வெற்றி பெற்றார். பின்னர் அவருக்கு அமைச்சர் பதவி வழங்கப்பட்ட நிலையில் அதைத்தொடர்ந்து துணை முதல்வர் பொறுப்பும் வழங்கப்பட்டது. அடுத்தது திமுகவின் தலைவர் உதயநிதி தான் என்ற கட்சியின் மூத்த தலைவர்கள் கூட கூறும் நிலையில் முதல்வர் ஸ்டாலினுக்கு பிறகு உதயநிதி தான் முதல்வர் வேட்பாளர் என்றும் கூறுகிறார்கள்.
இதன் காரணமாக தமிழ்நாட்டில் வாரிசு அரசியல் நடப்பதாக எதிர்கட்சிகள் சரமாரியாக திமுகவை விமர்சிக்கிறது. இந்நிலையில் ஸ்டாலின் ஒரு நிகழ்ச்சியில் கலந்து கொண்ட போது அவரிடம் உங்க குடும்பத்தில் இருந்து யாராவது அரசியலுக்கு வருவார்களா என்று கேட்கப்பட்டது. அதற்கு அவர் இனி எங்கள் குடும்பத்தில் இருந்து என் மகனோ அல்லது மருமகனோ, யாருமே அரசியலுக்கு கண்டிப்பாக வரமாட்டார்கள் என்று கூறுகிறார். ஆனால் உதயநிதி ஸ்டாலின் அரசியலுக்கு வந்த நிலையில் துணை முதல்வராகவே பொறுப்பேற்றுள்ளார். மேலும் ஸ்டாலின் அப்போது பேசிய வீடியோ தற்போது சமூக வலைதளத்தில் வைரலாகி வருகிறது.
View this post on Instagram
