ஈரான் மற்றும் இஸ்ரேல் இடையிலான பதற்றம் உச்சகட்டத்தை எட்டியுள்ள நிலையில், ஈரான் விதித்த 48 மணிநேரக் காலக்கெடு முடிவடைந்துள்ளது. சிரியாவில் உள்ள ஈரான் தூதரகத்தின் மீது நடத்தப்பட்ட தாக்குதலுக்குப் பழிவாங்கும் விதமாக, ஈரான் எந்த நேரத்திலும் இஸ்ரேல் மீது நேரடித் தாக்குதலை நடத்தக்கூடும் என்று உளவுத்துறை அமைப்புகள் எச்சரித்துள்ளன.

இதனால் உலக நாடுகள் பெரும் அச்சத்தில் ஆழ்ந்துள்ளன. அமெரிக்கா உள்ளிட்ட நாடுகள் இந்த மோதலைத் தவிர்க்கப் பேச்சுவார்த்தையில் ஈடுபட்டு வந்தாலும், ஈரான் தனது ராணுவ நிலைப்பாட்டில் உறுதியாக இருப்பதால், மேற்கு ஆசியாவில் ஒரு போர் மூளும் அபாயம் ஏற்பட்டுள்ளது.