2026 தமிழ்நாடு சட்டமன்றத் தேர்தலில் நடிகர் விஜய்யின் தமிழக வெற்றிக் கழகம் 108 இடங்களைக் கைப்பற்றி வரலாற்றுச் சாதனை படைத்துள்ளது. இத்தகைய மாபெரும் வெற்றியைத் தொடர்ந்து, மத்திய உள்துறை அமைச்சர் அமித் ஷா தவெக கட்சியின் இந்த அசுர வளர்ச்சியைப் பாராட்டிப் பேசியுள்ளார்.

மேலும் டெல்லியில் செய்தியாளர்களைச் சந்தித்த அவர், தமிழகத்தில் இவ்வளவு குறுகிய காலத்தில் ஒரு புதிய கட்சி இத்தனை பெரிய வெற்றியைப் பெறும் என்று தான் சிறிதும் எதிர்பார்க்கவில்லை என வெளிப்படையாகத் தெரிவித்துள்ளார். மேலும், இந்த தேர்தல் முடிவு தமிழக அரசியலில் ஒரு புதிய மாற்றத்திற்கான தொடக்கமாக அமைந்துள்ளது என்றும் அவர் குறிப்பிட்டுள்ளார்.

இதனால் அமித் ஷாவின் இந்த கருத்து அரசியல் வட்டாரத்தில் பெரும் பரபரப்பை ஏற்படுத்தியுள்ளது. பல தசாப்தங்களாகத் தமிழக அரசியலை ஆதிக்கம் செலுத்தி வந்த திராவிடக் கட்சிகளின் பாரம்பரியக் கோட்டையை உடைத்து, தவெக தனிப்பெரும் கட்சியாக உருவெடுத்திருப்பது தேசிய அளவில் கவனத்தை ஈர்த்துள்ளது.

இந்நிலையில் தவெகவின் இந்த இமாலய வெற்றிக்கு அக்கட்சியின் மீதும், அதன் தலைவர் விஜய் மீதும் மக்கள் வைத்துள்ள நம்பிக்கையே காரணம் என்று அரசியல் விமர்சகர்கள் கருதுகின்றனர். மத்திய அமைச்சரின் இத்தகைய வெளிப்படையான பாராட்டு, தமிழக வெற்றிக் கழகத்தின் அரசியல் பயணத்திற்கு மேலும் வலுசேர்ப்பதாக அமைந்துள்ளது.