தமிழக ஆளுநர் ஆர்.என். ரவி தலைமையில் நடத்தப்பட்ட “எண்ணி துணிக” நிகழ்வில், பல்வேறு துறைகளில் சிறந்து விளங்கிய மருத்துவர்களுக்கு விருதுகள் வழங்கப்பட்டன. இதில், மாநிலத்தின் சிறந்த 44 மருத்துவர்களுக்கு நினைவு பரிசுகள் வழங்கப்பட்டன.

ஆனால், அதில் அச்சிடப்பட்டிருந்த திருக்குறள் சரியானதா என்ற கேள்வி எழுந்தது. “செருக்கறிந்து சீர்மை மயக்கும் மறுப்போடு மண்ணுச்சொல் வேல் வயப்பட்டு” எனக் குறிப்பிடப்பட்டு, அதற்கு 944-வது திருக்குறள் என ஒதுக்கப்பட்டிருந்தது.

இந்தக் குறளை சரிபார்க்க விருது பெற்ற மருத்துவர்கள் திருக்குறள் நூலில் தேடிய போது, அந்த எண்ணில் மாறுபட்ட குறள் காணப்பட்டதாக தெரிவித்தனர். மேலும், அந்த வாசகம் திருக்குறளில் எங்கும் இல்லாதது என்று உறுதி செய்யப்பட்டதும், இந்த விவகாரம் சமூக வலைதளங்களில் வைரலாகி கடும் விமர்சனங்களை உருவாக்கியது.

“திருக்குறளை இழிவுபடுத்தும் செயல்” எனவும் சிலர் கண்டனம் தெரிவித்தனர். இந்த பரபரப்புக்குப் பின்னர், ஆளுநர் மாளிகை அதிகாரிகள் நடவடிக்கையாக 44 நினைவு பரிசுகளையும் திரும்பப்பெற்றுள்ளனர்.

“தவறான குறள் அச்சிடப்பட்டதற்கான காரணம் யார் என்பது குறித்து விசாரணை நடக்கிறது. மாற்றப்பட்டு மூன்று நாட்களுக்குள் புதிய விருதுகள் வழங்கப்படும்” எனவும் ஆளுநர் மாளிகை தரப்பில் அறிவிக்கப்பட்டுள்ளது. திருக்குறளை தவறாக பயன்படுத்திய தவறுக்குப் பொறுப்பேற்கும் செயல்முறை மேற்கொள்ளப்படும் என அதிகாரிகள் தெரிவித்தனர்.