இன்றைய அவசர உலகில் மனிதநேயமும், பிறருக்கு உதவும் குணமும் இன்னும் உயிர்ப்போடுதான் இருக்கிறது என்பதை உணர்த்தும் நெகிழ்ச்சியான சம்பவம் ஒன்று டெல்லி இந்திரா காந்தி சர்வதேச விமான நிலையத்தில் அரங்கேறியுள்ளது. பெங்களூருவைச் சேர்ந்த உள்ளடக்க உருவாக்குநரான ரயாஸ் என்பவர் செய்த ஒரு அன்பான உதவி, தற்போது இணையவாசிகளின் இதயங்களை வென்று சமூக வலைதளங்களில் காட்டுத்தீயாகப் பரவி வருகிறது.
டெல்லி விமான நிலையத்தின் ஏரோபிரிட்ஜ் பகுதியில் பயணி ஒருவர், விமானத்தை பின்னணியாக வைத்து தனியாக செல்பீ எடுக்க நீண்ட நேரமாகத் தவித்துக் கொண்டிருந்துள்ளார். அவர் சரியாகப் புகைப்படம் எடுக்க முடியாமல் தடுமாறுவதைக் கவனித்த ரயாஸ், உடனடியாக அவரிடம் சென்று தானே புகைப்படம் எடுத்துத் தருவதாக அன்புடன் முன்வந்துள்ளார்.
<script async src=”//www.instagram.com/embed.js”></script>
View this post on Instagram
ரயாஸின் இந்த உதவியை மகிழ்ச்சியுடன் ஏற்றுக்கொண்ட அந்தப் பயணி, புகைப்படத்திற்குப் போஸ் கொடுக்கும் போது, “நான் விமானத்தில் பயணம் செய்வது இதுவே முதல் முறை” என்று தனது நெகிழ்ச்சியான அனுபவத்தைப் பகிர்ந்துள்ளார். இந்த ஒரு எளிய வார்த்தை, ரயாஸ் செய்த அந்தச் சின்னஞ்சிறிய உதவியை இன்னும் கூடுதல் சிறப்பானதாகவும், மறக்க முடியாத ஒரு நினைவாகவும் மாற்றியது.
விமானப் பயணத்தின் அந்த முதல் அனுபவத்தை அழகான புகைப்படங்களாக ரயாஸ் தனது கேமராவில் சிறைப்பிடித்துக் கொடுக்க, அந்தப் பயணியின் முகத்தில் அலாதியான புன்னகையும் நிம்மதியும் குடியேறியது. ஒரு புதிய பயணியின் தயக்கத்தைப் போக்கி, அவரது வாழ்நாளின் முக்கிய தருணத்தை அழகான நினைவாக மாற்றிய ரயாஸின் இந்த மனிதநேயப் பண்பு அடங்கிய வீடியோ, தற்போது இணையத்தில் லட்சக்கணக்கான பார்வைகளைக் கடந்து பலரது பாராட்டுகளையும் பெற்று வருகிறது.
