ஆந்திரப் பிரதேசத்தில்  கணவர் ஒருவர் தனது உயிருடன் இருக்கும் மனைவிக்கு மரணச் சான்றிதழை (Death Certificate) அனுப்பிய அதிர்ச்சிச் சம்பவம் வெளிச்சத்துக்கு வந்துள்ளது.

ஆதிலட்சுமி என்ற அந்தப் பெண், மதுப் பழக்கமுள்ள தனது கணவர் மாருதி ராஜுவின் (Maruthi Raju) வீட்டு வன்முறை காரணமாக மூன்று குழந்தைகளையும் விட்டுவிட்டுத் தனது பெற்றோர் வீட்டுக்குச் சென்றுள்ளார்.

மனைவி பிரிந்து சென்ற ஆத்திரத்தில், கணவர் மாருதி ராஜு, ஆதிலட்சுமிக்குச் சொந்த ஊரில் உள்ள கிராமப் பஞ்சாயத்து மூலம் மரணச் சான்றிதழைப் பெற்று அனுப்பி, “என்னை விட்டுப் போனது என்றால், நீ உலகத்தை விட்டுப் போனதற்குச் சமம்” என்று கூறியுள்ளார்.

தான் உயிருடன் இருக்கும்போது கணவர் அனுப்பிய அந்தச் சான்றிதழை எடுத்துக்கொண்டு, ஆதிலட்சுமி நேரடியாகக் காவல் நிலையத்திற்குச் சென்று போலீஸில் புகார் அளித்துள்ளார்.

இந்தச் சம்பவம், உயிருடன் இருக்கும் ஒருவருக்கு அரசுத் துறை இவ்வளவு அலட்சியமாக மரணச் சான்றிதழை எப்படி வழங்கியது என்ற கேள்வியையும், அரசு நடைமுறைகளில் உள்ள குறைபாடுகளையும் குறித்து உள்ளூர் மட்டத்தில் பெரும் விவாதத்தை ஏற்படுத்தியுள்ளது.