வம்சி இயக்கத்தில் விஜய் நடித்துள்ள வாரிசு திரைப்படம் தமிழ் மற்றும் தெலுங்கு மொழிகளில் நேரடியாக வெளியாக உள்ளது. இத்திரைப்படத்தில் விஜய்க்கு ஜோடியாக ராஷ்மிகா மந்தனா நடித்திருக்கின்றார். பிரகாஷ்ராஜ், சரத்குமார், குஷ்பூ, ஷாம், யோகி பாபு, கணேஷ் வெங்கட்ராம் உள்ளிட்ட பலர் முதன்மை கதாபாத்திரத்தில் நடித்திருக்கின்றனர். இத்திரைப்படம் வருகின்ற பொங்கலுக்கு வெளியாக உள்ளது.

இந்த நிலையில் இத்திரைப்படம் வழக்கமான விஜய் திரைப்படமாக இருக்காது எனவும் ரசிகர்களுக்கு புதுவிதமான அனுபவத்தை தரும் என்ற தகவல் வெளியானதால் ரசிகர்களின் எதிர்பார்ப்பு மேலும் அதிகரித்து இருக்கின்றது. அண்மையில் வாரிசு திரைப்படத்தின் இசை வெளியீட்டு விழா சென்னையில் பிரமாண்டமாக நடைபெற்றது. இதை தொடர்ந்து ரசிகர்கள் படத்தின் டிரைலர் எப்போது வெளியாகும் என ஆவலுடன் காத்திருந்தனர். முன்னதாக ஜனவரி 2-ம் தேதி ட்ரைலர் வெளியாகும் என தெரிவிக்கப்பட்ட நிலையில் சில காரணகளால் வெளியாகவில்லை. இந்த நிலையில் வாரிசு திரைப்படத்தின் டிரைலர் இன்று வெளியாகி உள்ளது.

தற்போது வெளியாகியுள்ள ட்ரைலரை கொண்டாடும் வகையில் ரசிகர்கள் #VarisuTralier, #Vamshipaidipally, #Varisupongal2023, #VaaThalaivaa உள்ளிட்ட ஹேஷ்டாக்குகளை ட்விட்டரில் ட்ரெண்டு செய்து வருகின்றார்கள். அதேபோல் துணிவு திரைப்பட ட்ரெய்லர் வெளியாகி நான்கு நாட்கள் ஆன நிலையில் அஜித் ரசிகர்கள் விஜய்க்கு போட்டியாக #ThunivuTralier என்ற ஹேஷ்டாக்கையும் ட்ரெண்டு செய்து வருகின்றார்கள். இந்த ஹேஷ்டாக்குகளில் அவரவர் ரசிகர்களை ஆஹா, ஓஹோ என கொண்டாடி வருகின்றார்கள்.