திருப்பதி லட்டுகளில் மாட்டுக் கொழுப்பு கலக்கப்பட்டிருந்ததாக வெளியான குற்றச்சாட்டைத் தொடர்ந்து, தேவஸ்தானத்தின் முன்னாள் அறங்காவலர் குழு தலைவர் கருணாகர் தனக்குத் தானே சாபமிட்ட சம்பவம் பெரும் பரபரப்பை ஏற்படுத்தியுள்ளது.
திருப்பதி கோயிலின் தெப்பக்குளத்தில் நீராடிவிட்டு வந்த கருணாகர், திடீரென கையில் கற்பூரத்தை ஏந்தி, தான் தலைவராக இருந்த காலகட்டத்தில் லட்டுகளில் மாட்டுக் கொழுப்பு கலக்கப்பட்டிருந்தால் தனது குடும்பமே அழிந்து போகட்டும் என உணர்ச்சிவசப்பட்டு சாபமிட்டார். இந்த சம்பவம் அங்கு கூடியிருந்த பக்தர்கள் மத்தியில் பெரும் அதிர்ச்சியை ஏற்படுத்தியது.
இந்த சம்பவம் திருப்பதி லட்டு விவகாரத்தில் புதிய திருப்பத்தை ஏற்படுத்தியுள்ளது. முன்னாள் அறங்காவலரின் இந்த செயல், தான் இந்த விவகாரத்தில் எந்த தவறும் செய்யவில்லை என்பதை நிரூபிக்க முயற்சி என்கிறார்கள் ஒருபுறம். மறுபுறம், இந்த சம்பவம் விவகாரத்தின் தீவிரத்தை வெளிப்படுத்துகிறது என்கின்றனர் மற்றொருபுறம். இந்த சம்பவம் தொடர்பாக பல்வேறு தரப்பிலிருந்து கருத்துக்கள் வெளியாகி வருகின்றன.
